ന്യൂദല്ഹി: തൃശൂര് ശോഭാ സിറ്റിയിലെ സെക്യൂരിറ്റി ജീവനക്കാരനായിരുന്ന ചന്ദ്രബോസിനെ വാഹനമിടിച്ച് കൊലപ്പെടുത്തിയ കേസിലെ പ്രതി മുഹമ്മദ് നിഷാമിന് ജാമ്യം നിഷേധിച്ച് സുപ്രീംകോടതി. വിചാരണക്കോടതി വിധിച്ച ജീവപര്യന്തം ശിക്ഷയ്ക്കെതിരെ മുഹമ്മദ് നിഷാം നല്കിയ അപ്പീലില് ആറുമാസത്തിനകം തീരുമാനമെടുക്കണമെന്ന് ഹൈക്കോടതിക്ക് നിര്ദ്ദേശം നല്കിയിട്ടുണ്ട്. ജസ്റ്റിസുമാരായ ഇന്ദിരാ ബാനര്ജി, എ.സ് ബൊപ്പണ്ണ എന്നിവടങ്ങിയ ബെഞ്ചിന്റേതാണ് നിര്ദ്ദേശം.
ആറുമാസത്തിനകം അപ്പീലില് ഹൈക്കോടതി തീരുമാനമെടുത്തില്ലെങ്കില് മുഹമ്മദ് നിഷാമിന് സുപ്രീംകോടതിയെ സമീപിക്കാം. ശിക്ഷ മരവിപ്പിക്കണമെന്നോ ജാമ്യം നല്കണമെന്നോ നിഷാമിന് അപ്പോള് കോടതിയോട് ആവശ്യപ്പെടാമെന്നും നിലവില് ജാമ്യം അനുവദിക്കില്ലെന്നും സുപ്രീംകോടതി വ്യക്തമാക്കി.
