പാലാക്കാട്: റവന്യു പുറമ്പോക്ക് കൈയേറിയാണ് ശംഖുവാരത്തോട് പള്ളി നിര്‍മിച്ചിരിക്കുന്നതെന്ന് ബിജെപി സംസ്ഥാന ജന.സെക്രട്ടറി സി.കൃഷ്ണകുമാര്‍ പറഞ്ഞു. ഇവരുടെ സാമ്പത്തിക സ്രോതസ് അന്വേഷിക്കണമെന്നും അദ്ദേഹം വാര്‍ത്താ സമ്മേളനത്തില്‍ ആവശ്യപ്പെട്ടു. മുസ്ലിം ആരാധനാലയം പോപ്പുലര്‍ ഫ്രണ്ട് തീവ്രവാദ പ്രവര്‍ത്തനങ്ങള്‍ക്ക് ഉപയോഗിക്കുകയാണ്. വിശുദ്ധ റംസാന്‍ മാസത്തില്‍ ആരാധനാലയത്തില്‍ കൊലപാതകം ആസൂത്രണം ചെയ്യുകയും, കൊലയാളികളെ ഒളിപ്പിക്കുകയും ചെയ്ത പോപ്പുലര്‍ ഫ്രണ്ടിനെ തള്ളിപ്പറയാന്‍ മുസ്ലിം സംഘടനകളും, മത പണ്ഡിതന്‍മാരും തയ്യാറാകണമെന്നും കൃഷ്ണകുമാര്‍ ആവശ്യപ്പെട്ടു.
പാലക്കാട് എഎല്‍എയും, എംപിയും, സര്‍ക്കാരും ഭീകരര്‍ക്ക് കുടപിടിക്കുന്ന സമീപനമാണ് സ്വീകരിച്ചിരിക്കുന്നത്.പാലക്കാട്ടെ ഇരട്ടകൊലപാതകവുമായി ബന്ധപ്പെട്ട് മതകലഹത്തിലേക്ക് പോകരുതെന്ന് പറഞ്ഞ ഷാഫി പറമ്പില്‍ എംഎല്‍എ എന്തുകൊണ്ട ശംഖുവാരത്തോട് പള്ളിയില്‍ കൊലപാതകികളെ ഒളിപ്പിച്ചതില്‍ മൗനം പാലിക്കുന്നുവെന്ന് ബിജെപി ജില്ലാ അധ്യക്ഷന്‍ കെ.എം.ഹരിദാസ് ചോദിച്ചു. എന്തുകൊണ്ടാണ് ശ്രീനിവാസന്റെ വീട് സന്ദര്‍ശിക്കാന്‍ എംഎല്‍എയും,എംപിയും തയ്യാറാകാത്തത്. കൊലയാളികളെ പോലീസ് ഉടന്‍ പിടികൂടിയില്ലെങ്കില്‍ ശക്തമായ സമരപരിപാടികളുമായി മുന്നോട്ട് പോകുമെന്നും ഹരിദാസ് വ്യക്തമാക്കി. യുവമോര്‍ച്ച ജില്ലാ അധ്യക്ഷന്‍ പ്രശാന്ത് ശിവനും പത്രസമ്മേളനത്തില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: