തിരുവനന്തപുരം: കേരളത്തില് ശക്തമായ മഴ ഉണ്ടാകുമെന്ന മുന്നറിയിപ്പിനെ തുടര്ന്ന് ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, പത്തനംതിട്ട, കോട്ടയം, എറണാകുളം, ഇടുക്കി, മലപ്പുറം, വയനാട് ജില്ലകളിലാണ് യെല്ലോ അലര്ട്ട്. വടക്കന് കര്ണാടക മുതല് കോമറിന് വരെയുള്ള മേഖലകളിലെ ന്യൂനമര്ദത്തിന്റെ സ്വാധീനത്താലാണ് കേരളത്തില് മഴ ചെയ്യുന്നത്.
ഇടിമിന്നലുണ്ടായാല് നിര്ബന്ധമായും ഗൃഹോപകരണങ്ങളിലേക്കുള്ള വൈദ്യുത ബന്ധം വിച്ഛേദിക്കണം. ഇടിമിന്നലിന്റെ ലക്ഷണങ്ങള് കണ്ടുതുടങ്ങിയാല് വാതിലിനും ജനലിനും സമീപം നില്ക്കുന്നത് ഒഴിവാക്കണമെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കി.
ശീലങ്കക്ക് മുകളിലും സമീപപ്രദേശങ്ങളിലുമായി ചക്രവാതചുഴി നിലനില്ക്കുന്നതാണ് മഴയ്ക്ക് ഒരു കാരണം. മഴയ്ക്കൊപ്പം ഇടിമിന്നലും കാറ്റും ഉണ്ടാകാന് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. ഇടിമിന്നലിനൊപ്പം കാറ്റ് വീശാനും സാധ്യയുള്ളതിനാല് പൊതുജനങ്ങള് ജാഗ്രത പാലിക്കണം.
