അഹമ്മദാബാദ്: ബിജെപി നേതൃത്വത്തെ പ്രശംസിച്ച് ഗുജറാത്ത് കോണ്‍ഗ്രസ് വര്‍ക്കിംഗ് പ്രസിഡന്റ് ഹാര്‍ദിക് പട്ടേല്‍. അഭിപ്രായ രൂപീകരണത്തില്‍ ബിജെപി നേതൃത്വം കാണിക്കുന്ന ചടുലത പ്രശംസനീയമാണെന്നും അദേഹം പറഞ്ഞു. ഒരു ഗുജറാത്തി പത്രത്തിന് നല്‍കിയ അഭിമുഖത്തിലായിരുന്നു ഹാര്‍ദിക്കിന്റെ അഭിപ്രായ പ്രകടനം.
രാമക്ഷേത്ര നിര്‍മ്മാണത്തെ പിന്തുണയ്‌ക്കുന്നു. ഹിന്ദുവായതില്‍ അഭിമാനിക്കുന്നയാളാണ് താനെന്നും അദേഹം അഭിമുഖത്തില്‍ വെളിപ്പെടുത്തി. 370 ആം വകുപ്പ് പിന്‍വലിച്ച കേന്ദ്ര സര്‍ക്കാര്‍ നടപടിയേയും ഹാര്‍ദിക് പട്ടേല്‍ പ്രശംസിച്ചു.
പാര്‍ട്ടി നേതൃത്വത്തിനെതിരെ പരസ്യവിമര്‍ശനവുമായി ഹാര്‍ദിക് കഴിഞ്ഞദിവസം രംഗത്തുവന്നിരുന്നു. കോണ്‍ഗ്ര്‌സ് വര്‍ക്കിങ് പ്രസിഡന്റായി തുടരുമ്പോഴും പാര്‍ട്ടി കാര്യങ്ങളൊന്നും തന്നെ അറിയിക്കുന്നില്ല എന്നതായിരുന്നു ഹാര്‍ദിക്ക് പട്ടേലിന്റെ ആരോപണം. പട്ടേല്‍ സമുദായത്തിലെ തന്നെ മറ്റൊരു പ്രധാന നേതാവായ നരേഷ് പട്ടേലിനെ കോണ്‍ഗ്രസിലേക്ക് കൊണ്ടുവരുന്നതിന് പ്രശാന്ത് കിഷോര്‍ ചില നീക്കങ്ങള്‍ നടത്തിയതും ഹാര്‍ദിക്കിനെ പ്രകോപിപ്പിച്ചിരുന്നു.
പ്രതികരിക്കാൻ ഇവിടെ എഴുതുക: