പാലക്കാട്: ആര്‍എസ്എസ് മുന്‍പ്രചാരകനും ശാരീരിക് ശിക്ഷണ്‍ പ്രമുഖുമായ എ.ശ്രീനിവാസനെ വെട്ടിക്കൊലപ്പെടുത്തിയ കേസില്‍ 4 പോപ്പുലര്‍ഫ്രണ്ട് ഭാരവാഹികള്‍ അറസ്റ്റില്‍. പാലക്കാട് നഗരത്തിലെ ശംഖുവാരമേട് ഹക്കീം മകന്‍ മുഹമ്മദ് ബിലാല്‍(22), അബ്ദുള്‍ റഷീദ്മകന്‍ മുഹമ്മദ് റിസ്വാന്‍(20), ശംഖുവാരത്തോട് അബുതാഹിര്‍ മകന്‍ റിയാസുദ്ദീന്‍(35), പുതുപ്പരിയാരം ഇന്‍ഡസ്ട്രിയല്‍ എസ്‌റ്റേറ്റ് താഴെമുരളി പാറപ്പത്ത്‌തൊടി മുഹമ്മദ് റഷീദ് മകന്‍ സഹദ്(22) എന്നിവരാണ് അറസ്റ്റിലായത്.
ഇവരില്‍ മുഹമ്മദ് ബിലാല്‍, റിയാസുദീന്‍ എന്നിവര്‍ ഗൂഢാലോചനയില്‍ ഉള്‍പെട്ടവരും ആറംഗകൊലയാളി സംഘത്തിനൊപ്പം മേലാമുറിയില്‍ ഉണ്ടായിരുന്നവരുമാണ്്. കൊലയാളി സംഘത്തിന്റെ മൊബൈല്‍ഫോണു മറ്റുസാധനങ്ങളും ശേഖരിച്ച് അവരവരുടെ വീടുകളിലെത്തിച്ചത് മുഹമ്മദ് റിസ്വാനാണ്. സഹദ് ഗൂഢാലോചനയില്‍ പങ്കെടുക്കുകയും മറ്റുസഹായങ്ങള്‍ നല്‍കുകയും ചെയ്തയാളാണ്. കേസുമായി ബന്ധപ്പെട്ട് പ്രതികളെ കസ്റ്റഡിയിലെടുത്ത് ചോദ്യം ചെയ്തതിലാണ് ഇവരുടെ പങ്ക് വ്യക്തമായത്. ഇതോടെയാണ് ഇന്നു രാത്രി എട്ടരയോടെ പ്രതികളുടെ അറസ്റ്റ് രേഖപ്പെടുത്തിയത്.
പ്രതികരിക്കാൻ ഇവിടെ എഴുതുക: