കോഴിക്കോട്: നേരത്തെ മറ്റൊരു ക്രിസ്ത്യാനി പെണ്‍കുട്ടിയുമായി അടുപ്പമുണ്ടായിരുന്നതായി വിവാഹം കഴിക്കാന്‍ തീരുമാനിച്ചിരുന്നതായും മിശ്രവിവാദ വിവാദത്തില്‍പെട്ട ഡിവൈഎഫ്‌ഐ നേതാവ് എം.എസ്.ഷെജിന്. ധ്യാനകേന്ദ്രത്തില്‍ പോയി മടങ്ങി വന്ന പെണ്‍കുട്ടി തീരുമാനം മാറ്റിയതിനാല്‍ വിവാഹം നടന്നില്ലന്നും ഷെജിന് പറഞ്ഞു
ജോയ്‌സ്‌ന ജോസഫ് എന്ന ക്രിസ്ത്യാനി പെണ്‍കുട്ടി മു്സ്‌ളീം ആയ ഷെജിനൊപ്പം ഇറങ്ങിപോയത് ലൗജിഹാദാണെന്ന് സിപിഎം മുന്‍ എംഎല്‍എ തന്നെ സമ്മതിച്ചതോടെയാണ് വിവാദമുണ്ടായത്.
ഷെജിന് മറ്റ് പെണ്‍കുട്ടികളുമായി ബന്ധമുണ്ടായിരുന്നു എന്ന ആരോപണത്തിന് മറുപടിയായിട്ടാണ് തനിക്ക് മൂന്നുനാലു വര്‍ഷം മുന്‍പ് മറ്റൊരു പെണ്‍കുട്ടിയുമായി അടുപ്പമുണ്ടായിരുന്നതായി വെളിപ്പെടുത്തിയത്.
‘അതും ഒരു ക്രിസ്ത്യന്‍ പെണ്‍കുട്ടിയായിരുന്നു.ഞങ്ങള്‍ വിവാഹം കഴിക്കാന്‍ തീരുമാനിച്ച്, വീട്ടില്‍ വിവരം പറഞ്ഞപ്പോള്‍ അവളുടെ വീട്ടുകാര്‍ അവളെ പാലക്കാട്ട് ഒരു ധ്യാനത്തിനു കൊണ്ടുപോയി. അതിനു മുന്‍പ് അവള്‍ എനിക്കു മെസേജ് അയച്ചു, ‘സഖാവേ, പ്രാര്‍ഥിക്കണേ’ എന്ന്. പക്ഷേ, മടങ്ങി വന്നപ്പോള്‍ അവളുടെ മനസ്സു മാറി. എനിക്കു ക്രിസ്ത്യാനിയായി ജീവിച്ചാല്‍ മതി, മാതാപിതാക്കളെ അനുസരിക്കാതിരിക്കാന്‍ കഴിയില്ല, നമുക്ക് പിരിയാം എന്നായി. അങ്ങനെ പറയുന്നൊരാളോടു പിന്നെ എന്തു പറയാന്‍?’ ഷെജിന് പറഞ്ഞു.
കഴിഞ്ഞ സെപ്റ്റംബറില്‍ പിറന്നാളിന് ജോയ്‌സ്‌ന അയച്ച ഒരു മെസേജ് ആണ് പ്രണയത്തിലേക്കെത്തിച്ചതെന്നു പറഞ്ഞ ഷെജിന്,. ഞാന്‍ എന്നെക്കുറിച്ചുള്ള നല്ലവശങ്ങളും നെഗറ്റിവുകളും പറഞ്ഞു ബോധ്യപ്പെടുത്തിയ ശേഷമാണ് ബന്ധം തുടങ്ങിയതെന്നും പറഞ്ഞു
പ്രതികരിക്കാൻ ഇവിടെ എഴുതുക: