വയനാട്: കെഎസ്ആര്‍ടിസ് സ്വിഫ്റ്റ് ബസ് വീണ്ടും അപകടത്തില്‍പ്പെട്ടു. വയനാട് ചുരത്തില്‍വെച്ച് മറ്റൊരു വാഹനവുമായി കൂട്ടിയിടിക്കുകയായിരുന്നു. കഴിഞ്ഞ ദിവസം തിരുവനന്തപുരത്ത് നിന്ന് മാനന്തവാടിയിലേയ്‌ക്ക് സര്‍വീസ് നടത്തിയ കെഎസ് 37-ാം നമ്പര്‍ ബസാണ് അപകടത്തില്‍പ്പെട്ടത്.
കുന്നംകുളത്ത് കാല്‍നടയാത്രക്കാരന്‍ മരിച്ച സംഭവത്തില്‍ നിര്‍ണായക വഴിത്തിരിവ്. മരണമടഞ്ഞ പരസ്വാമിയെ ആദ്യം ഇടിച്ചത് പിക്കപ്പ് വാനാണ് എന്ന് പോലീസ്. ഇതിന്റെ ദൃശ്യങ്ങള്‍ ലഭിച്ചതായും പോലീസ് വ്യക്തമാക്കി. ഇടിച്ച് നിലത്തുകിടന്നയാളുടെ കാലുകളിലൂടെ പിന്നാലെ വന്ന സ്വിഫ്റ്റ് ബസ് കയറി ഇറങ്ങുകയായിരുന്നു.
ഇന്ന് പുലര്‍ച്ചെ മറ്റൊരു സ്വിഫ്റ്റ് ബസും അപകടത്തില്‍പ്പെട്ടു. മലപ്പുറം കോട്ടയ്‌ക്കലില്‍വെച്ച് കെഎസ് 042 നമ്പര്‍ ബസ് തടിലോറിയില്‍ തട്ടുകയായിരുന്നു. കയറ്റത്തില്‍വെച്ച് തടിലോറിയെ ഓവര്‍ടേക്ക് ചെയ്യാന്‍ ശ്രമിക്കവെയാണ് അപകടം സംഭവിച്ചത്. ബസിന്റെ ഇടത് റിയര്‍ വ്യൂ മിറര്‍ തകരുകയും മുന്‍വശത്തെ ഗ്ലാസ്സിന്റെ ഒരു ഭാഗം തകരുകയും ചെയ്തു. ആളപായങ്ങളില്ല.
പ്രതികരിക്കാൻ ഇവിടെ എഴുതുക: