കൊച്ചി : നടിയെ ആക്രമിച്ച കേസിലെ മുഖ്യ തെളിവുകളില്‍ ഒന്നായ ദിലീപിന്റെ ഫോണിലെ വിവരങ്ങള്‍ നശിപ്പിച്ച സൈബര്‍ വിദഗ്ധന്‍ സായി ശങ്കര്‍ പിടിയില്‍. അന്വേഷണ ഉദ്യോഗസ്ഥര്‍ക്കെതിരെ ഗൂഢാലോചന നടത്തിയതിന്റെ തെളിവുകള്‍ നശിപ്പിച്ചെന്ന കേസിലെ ഏഴാം പ്രതിയാണ് സായി ശങ്കര്‍. ക്രൈംബ്രാഞ്ച് മേധാവി എസ്. ശ്രീജിത്താണ് കസ്റ്റഡിയിലെടുത്തത്.
കേസിലെ ഏഴാം പ്രതിയാണ് ഇയാള്‍. പ്രതി ചേര്‍ത്തതോടെ പുട്ടപര്‍ത്തിയില്‍ ഒളിവില്‍ കഴിഞ്ഞുവരികയായിരുന്നു സായി. ഇയാളുടെ ഭാര്യയേയും ക്രൈംബ്രാഞ്ച് അന്വേഷണ വിധേയമായി ചോദ്യം ചെയ്തിരുന്നു. ചോദ്യം ചെയ്യലിന് ഹാജരാകാന്‍ ആവശ്യപ്പെട്ട് ക്രൈംബ്രാഞ്ച് ഇയാള്‍ക്ക് നോട്ടീസ് നല്‍കിയതിന് പിന്നാലെ പോലീസ് പീഡനം ആരോപിച്ച് സായി ഹൈക്കോടതിയേയും സമീപിച്ചു. എന്നാല്‍ അന്വേഷണവുമായി സഹകരിക്കാനായിരുന്നു ഹൈക്കോടതിയുടെ നിര്‍ദ്ദേശം. പിന്നീട് ഇയാള്‍ ഒളിവില്‍ പോവുകയായിരുന്നു. ഇയാളെ ക്രൈംബ്രാഞ്ച് പ്രത്യേക സംഘം ചോദ്യം ചെയ്യും.
നടിയെ ആക്രമിച്ച കേസില്‍ ദിലീപിന്റെ ഭാര്യയും നടിയുമായ കാവ്യ മാധവനും പങ്കുണ്ടെന്ന് അന്വേഷണസംഘം ഹൈക്കോടതിയില്‍ അറിയിച്ചതിന് പിന്നാലെയാണ് സായിയെ അറസ്റ്റ് ചെയ്തിരിക്കുന്നത്. കേസുമായി ബന്ധപ്പെട്ട് ശേഖരിച്ച ഡിജിറ്റല്‍ തെളിവുകളില്‍ നിര്‍ണായക വിവരങ്ങളുണ്ടെന്നും. കാവ്യയെ ചോദ്യം ചെയ്യാനുമാണ് സായിയുടെ തീരുമാനം. നിലവില്‍ കാവ്യ ചെന്നൈയിലാണ്. അടുത്തയാഴ്ച മടങ്ങിയെത്തും. തിരിച്ചെത്തിയാലുടന്‍ കാവ്യയെ ചോദ്യം ചെയ്യുമെന്നാണ് സൂചന.
അതേസമയം തനിക്കെതിരെ വ്യാജ കേസുകള്‍ ചുമത്തുന്നതായി ഉള്‍പ്പടെ സായി ശങ്കര്‍ കഴിഞ്ഞ ദിവസം ഹൈക്കോടതിയില്‍ ക്രൈംബ്രാഞ്ചിനെതിരെ ഗുരുതര ആരോപണങ്ങള്‍ ഉന്നയിച്ചിരുന്നു. എസ് പി മോഹനചന്ദ്രനുമായി സായ് ശങ്കറിന്റെ സുഹൃത്ത് നടത്തിയ സംഭാഷണവും കോടതിക്ക് കൈമാറിയിട്ടുണ്ട്. കോഴിക്കോട് നടക്കാവ് പോലീസ് രജിസ്റ്റര്‍ ചെയ്ത 36 ലക്ഷം രൂപയുടെ സാമ്പത്തിക തട്ടിപ്പ് കേസിലെ മുന്‍കൂര്‍ ജാമ്യാപേക്ഷയിലാണ് വധഗൂഢാലോചന കേസിലെ അന്വേഷണ സംഘത്തിനെതിരെ സായിയുടെ ആരോപണം.
ചോദ്യം ചെയ്യലിനായി ഹാജരായില്ലെങ്കില്‍ കൂടുതല്‍ കേസുകള്‍ വന്നുകൊണ്ടിരിക്കുമെന്ന് ക്രൈംബ്രാഞ്ച് എസ്പി മോഹനചന്ദ്രന്‍ പറഞ്ഞതായി ഹര്‍ജിയില്‍ പ്രതി ആരോപിക്കുന്നുണ്ട്. എസ്പിയും സായിശങ്കറിന്റെ സുഹൃത്തുമായി നടത്തിയ സംഭാഷണവും ഇയാള്‍ പുറത്തുവിട്ടിട്ടുണ്ട്.
ദിലീപിന്റെ മൊബൈല്‍ ഫോണിലെ നിര്‍ണായക തെളിവുകള്‍ നശിപ്പിച്ചത് ഹാക്കര്‍ സായ് ശങ്കര്‍ ആണെന്ന് അന്വേഷണ സംഘം നേരത്തെ കണ്ടെത്തിയിരുന്നു. ഇതിന് പിന്നാലെയാണ് സായ് ശങ്കറിന്റെ പുതിയ നീക്കം.
പ്രതികരിക്കാൻ ഇവിടെ എഴുതുക: