ന്യൂദല്ഹി: ഇലക്ട്രോണിക്സ് & ഇന്ഫര്മേഷന് ടെക്നോളജി മന്ത്രാലയം ഡിജിറ്റല് ഇന്ത്യ പദ്ധതിക്ക് കീഴില് പൊതു സേവന കേന്ദ്രങ്ങളുടെ (സിഎസ്സി) ശൃംഖല ആരംഭിച്ചു. ഇന്ന് ലോക്സഭയില് ചോദ്യത്തിന് രേഖാമൂലം നല്കിയ മറുപടിയിലാണ് ഇലക്ട്രോണിക്സ് & ഇന്ഫര്മേഷന് ടെക്നോളജി സഹമന്ത്രി രാജീവ് ചന്ദ്രശേഖറാണ് ഇക്കാര്യം അറിയിച്ചത്.
രാജ്യത്തുടനീളമുള്ള 2.50 ലക്ഷം ഗ്രാമപഞ്ചായത്തുകളില് കുറഞ്ഞത് ഒരു സിഎസ്സി രൂപീകരിക്കാന് ഈ പദ്ധതി വിഭാവനം ചെയ്യുന്നു. പൗരന്മാര്ക്ക് ഗവണ്മെന്റില് (ജി 2 സി) നിന്നുള്ളതും, മറ്റ് പൗര കേന്ദ്രീകൃത ഇ-സേവനങ്ങളും വിതരണം ചെയ്യുന്നതിനായാണ് ഇവ ആരംഭിച്ചത്. ഗ്രാമ തലത്തിലുള്ള സംരംഭകരാല് (വിഎല്ഇ) നടത്തുപ്പെടുന്ന ഒരു സ്വയം സുസ്ഥിര സംരംഭകത്വ മാതൃകയാണിത്.
2022 ഫെബ്രുവരി 28 ലെ കണക്കനുസരിച്ച്, രാജ്യത്തുടനീളം 4,63,705 പ്രവര്ത്തനക്ഷമമായ സി.എസ്.സികള് ഉണ്ട്. ഓരോ സിഎസ്സിയിലും ശരാശരി നാല് പേര് ജോലിയില് ഏര്പ്പെട്ടിരിക്കുന്നു. അതനുസരിച്ച്, ഏകദേശം 15 ലക്ഷത്തോളം ആളുകള് ഇപ്പോള് രാജ്യത്തുടനീളമുള്ള സിഎസ്സികളില് നേരിട്ടോ അല്ലാതെയോ ജോലി ചെയ്യുന്നു.
