സിജു വില്സനെ നായകനാക്കി നവാഗതനായ ജിജോ ജോസഫ് സംവിധാനം ചെയ്യുന്ന ‘വരയന്’ എന്ന ചിത്രത്തിലെ ഒഫീഷ്യല് വീഡിയോ ഗാനം റിലീസായി. മത്തായി സുനില് ആലപിച്ച ‘പറ പറ പറ പാറുപ്പെണ്ണേ…’ എന്നാരംഭിക്കുന്ന ഗാനമാണ് സത്യം ഓഡിയോസിന്റെ യൂട്യൂബ് ചാനലിലൂടെ പുറത്തിറങ്ങിയത്.
ബിജിബാല്, ജിബിന് ഗോപാല്, മധു പോള്, വിജയ് ജേക്കബ്, പോബി, പ്രകാശ് തുടങ്ങിയവരും കൂടെ പാടുന്നുണ്ട്. സത്യം സിനിമാസിന്റെ ബാനറില്, എ.ജി. പ്രേമചന്ദ്രന് നിര്മിക്കുന്ന ഈ കുടുംബചിത്രം ഹാസ്യത്തിനും ആക്ഷന് രംഗങ്ങള്ക്കും പ്രാധാന്യം നല്കുന്നു. ലിയോണ ലിഷോയ്, മണിയന്പിള്ള രാജു, ജോയ് മാത്യു, വിജയരാഘവന്, ബിന്ദു പണിക്കര്, ജയശങ്കര്, ജൂഡ് ആന്റണി ജോസഫ്, ഡാവിഞ്ചി, അരിസ്റ്റോ സുരേഷ്, ബൈജു എഴുപുന്ന, അംബിക മോഹന്, രാജേഷ് അമ്പലപ്പുഴ, ശ്രീലക്ഷ്മി, ഹരിപ്രശാന്ത്, സുന്ദര് പാണ്ഡ്യന് തുടങ്ങിയവരാണ് മറ്റു പ്രധാന അഭിനേതാക്കള്. സിജു വില്സനോടൊപ്പം ബെല്ജിയന് മലിനോയ്സ് ഇനത്തില്പ്പെട്ട നാസ് എന്ന നായ ടൈഗര് എന്ന മുഴുനീള കഥാപാത്രമായി ചിത്രത്തില് പ്രത്യക്ഷപ്പെടുന്നുണ്ട്.
ബി.കെ. ഹരിനാരായണന്റെ വരികള്ക്ക് പ്രകാശ് അലക്സ് സംഗീതം പകരുന്നു. തിരക്കഥ- ഫാദര് ഡാനി കപ്പൂച്ചിന്, ഛായാഗ്രഹണം- രജീഷ് രാമന്, ചിത്രസംയോജനം- ജോണ്കുട്ടി, പ്രോജക്ട് ഡിസൈന്- ജോജി ജോസഫ്, സൗണ്ട് ഡിസൈന്- വിഘ്നേഷ്, കിഷന് & രജീഷ്, സൗണ്ട് മിക്സ്- വിപിന് നായര്, കൊറിയോഗ്രഫി: സി പ്രസന്ന സുജിത്ത്. മെയ് 20ന് ‘വരയന്’ കേരളമെമ്പാടുമുള്ള തിയെറ്ററുകളില് സത്യം സിനിമാസ് റിലീസ് ചെയ്യും. പിആര്ഒ- എ.എസ്. ദിനേശ്.
