കോല്‍ക്കത്ത: പശ്ചിമ ബംഗാളില്‍ രണ്ടു ദിവസത്തെ ദേശീയ പണിമുടക്കിന്റെ ഭാഗമായി ട്രെയിന്‍ തടഞ്ഞ സമരക്കാര്‍ക്ക് പരിക്കേറ്റു. സിപിഎം-സിഐടിയു യൂണിയന്‍ അംഗങ്ങളായ രണ്ട് പേര്‍ക്കാണ് പരിക്കേറ്റത്. ഇവരെ ആശുപത്രിയില്‍ പ്രവേശിപ്പിച്ചു.
രാവിലെയോടെയായിരുന്നു സംഭവം. കോല്‍ക്കത്തയിലാണ് സമരക്കര്‍ തീവണ്ടി തടഞ്ഞത്. രാവിലെ യൂണിയന്‍ കൊടിയുമായി എത്തിയ പ്രവര്‍ത്തകര്‍ ട്രെയിന്‍ വരുന്നത് കണ്ടതോടെ ട്രാക്കിലേക്ക് എടുത്ത് ചാടുകയായിരുന്നു. തുടര്‍ന്ന് കൊടിയുമായി തീവണ്ടി നിര്‍ത്താന്‍ ആവശ്യപ്പെട്ടു. നേരത്തെ അറിയിപ്പ് ലഭിച്ചതിനെ തുടര്‍ന്ന് തീവണ്ടി വേഗം കുറഞ്ഞാണ് ട്രാക്കിലൂടെ പോയിരുന്നത്. ഇതിനിടെ തടയാനെത്തിയ സമരക്കാരുടെ ദേഹത്ത് തട്ടുകയായിരുന്നു. ഉടനെ മറ്റ് സമരക്കാര്‍ ചേര്‍ന്ന് ഇവരെ ആശുപത്രിയിലേക്ക് മാറ്റി.
പ്രതികരിക്കാൻ ഇവിടെ എഴുതുക: