കൊച്ചി: തനിക്കെതിരായ പോക്സോ കേസിനു പിന്നില് എംഎല്എയുടെ ഭാര്യയാണെന്ന് പ്രതി അഞ്ജലി റീമദേവ്. നമ്പര് 18 ഹോട്ടല് പോക്സോ കേസില് ചോദ്യം ചെയ്യലിന് അഞ്ജലി ഹാജരായപ്പോഴാണ് ഇക്കാര്യം അഞ്ജലി പറഞ്ഞഥ്. .ഗൂഢാലോചന നടത്തിയത് എംഎല്എയുടെ ഭാര്യ ഉള്പ്പെടെ ആറുപേരാണ്. കള്ളപ്പണം ഇടപാടിനെ എതിര്ത്തതാണു വിരോധത്തിനു കാരണം. ഇവരുടെ പേരുകള് അന്വേഷണ സംഘത്തിനു മുന്നില് വെളിപ്പെടുത്തും.
പ്രായപൂര്ത്തിയാകാത്ത പെണ്കുട്ടികളെ ഫോര്ട്ട്കൊച്ചി നമ്പര് 18 ഹോട്ടലില് എത്തിച്ചു പീഡിപ്പിച്ചെന്ന കേസിലെ മൂന്നാം പ്രതിയാണ് അഞ്ജലി റീമദേവ്. എറണാകുളം പോക്സോ കോടതി മുന്പാകെ അഞ്ജലി കഴിഞ്ഞ ദിവസം കീഴടങ്ങിയിരുന്നു. ഹൈക്കോടതി മുന്കൂര് ജാമ്യം അനുവദിച്ചതിനെ തുടര്ന്നാണ് അഞ്ജലി കോടതി മുന്പാകെ ജാമ്യക്കാര്ക്കൊപ്പം ഹാജരായത്. തുടര്ന്നു പ്രതിയുടെ പാസ്പോര്ട്ട് കണ്ടുകെട്ടി. അന്വേഷണ ഉദ്യോഗസ്ഥന് ആവശ്യപ്പെടുമ്പോള് നേരിട്ടു ഹാജരാകണമെന്ന വ്യവസ്ഥയിലാണു ജാമ്യം അനുവദിച്ചത്.
