തിരുവനന്തപുരം : സമുദ്രാതിര്‍ത്തി ലംഘിച്ചതിനെ തുടര്‍ന്ന് മലയാളികള്‍ അടക്കം 61 പേര്‍ ആഫ്രിക്കന്‍ ദ്വീപായ സെയ്ഷെല്‍സില്‍ കുടുങ്ങി. വിഴിഞ്ഞത്തു നിന്നും മീന്‍ പിടിക്കാന്‍ പോയി പിടിയിലായവര്‍. അഞ്ച് ബോട്ടുകളിലായെത്തിയ 61 തൊഴിലാളികളെ സമുദ്രാതിര്‍ത്തി ലംഘിച്ചതിനെ തുടര്‍ന്ന് തീരസംരക്ഷണ സേന ഇവരെ പിടികൂടുകയായിരുന്നു. ഇതില്‍ രണ്ടു പേര്‍ മലയാളികളാണ്.
ഇക്കഴിഞ്ഞ ഫെബ്രുവരി 22നാണ് ഇവര്‍ മത്സ്യബന്ധനത്തിന് പോയത്. പിടിയിലായവരില്‍ അഞ്ചു പേര്‍ അസംകാരാണ്. ബാക്കി ഉള്ള തൊഴിലാളികളെല്ലാം തമിഴ്‌നാട്ടുകാര്‍ ആണ്. ഇവര്‍ സഞ്ചരിച്ചിരുന്ന അഞ്ച് ബോട്ടും പിടിച്ചെടുത്തിട്ടുണ്ട്. വിഴിഞ്ഞം സ്വദേശികളായ ജോണി, തോമസ് എന്നിവരാണ് രണ്ട് മലയാളികളായ മത്സ്യത്തൊഴിലാളികള്‍.
ആഫ്രിക്കയില്‍ നിന്നും 1500 കിലോമീറ്റര്‍ ദൂരെയാണ് സെയ്ഷല്‍സ് ദ്വീപസമൂഹം. മത്സ്യത്തൊഴിലാളികളെ രക്ഷിക്കുന്നതിനായി ഇന്ത്യന്‍ ഹൈക്കമ്മീഷന്റെയും വേള്‍ഡ് മലയാളി ഫെഡറേഷന്റേയും നേതൃത്വത്തില്‍ ശ്രമം നടത്തി വരികയാണ്.
പ്രതികരിക്കാൻ ഇവിടെ എഴുതുക: