തൃശൂര്‍: നടുറോഡില്‍ വെട്ടേറ്റ് ചികിത്സയിലായിരുന്ന വീട്ടമ്മ മരിച്ചു. ഇന്നലെ രാത്രി വെട്ടേറ്റ കൊടുങ്ങല്ലൂര്‍ ഏറിയാട് സ്വദേശി റിന്‍സി(30) ആണ് മരിച്ചത്. വെട്ടേറ്റ് ഗുരുതരാവസ്ഥയില്‍ കഴിഞ്ഞിരുന്ന യുവതി ഇന്ന് രാവിലെയാണ് മരിച്ചത്. ഇന്നലെ രാത്രി എട്ട് മണിയോടെയാണ് സ്‌കൂട്ടറില്‍ യാത്രചെയ്യുകയായിരുന്ന റിന്‍സിയെ വഴിയില്‍ തടഞ്ഞു നിര്‍ത്തി യുവാവ് വെട്ടിയത്. തുണിക്കട അടച്ച് മക്കളോടൊപ്പം വീട്ടിലേക്ക് മടങ്ങുകയായിരുന്ന ഇവരെ, ആളൊഴിഞ്ഞ സ്ഥലത്ത് കാത്തുനിന്ന ആക്രമി തടഞ്ഞു നിര്‍ത്തി വെട്ടുകയായിരുന്നു. റിന്‍സിയുടെ തുണിക്കടയിലെ മുന്‍ജീവനക്കാരനായ റിയാസാണ് വെട്ടിയതെന്നാണ് നിഗമനം. ആക്രമിയെ ഇതുവരെ കണ്ടെത്താനായിട്ടില്ല.
തലയ്‌ക്കും കൈകള്‍ക്കും ഗുരുതരമായി പരിക്കേറ്റ റിന്‍സിയെ കൊടുങ്ങല്ലൂര്‍ ചന്തപ്പുര എ.ആര്‍ മെഡിക്കല്‍ സെന്ററില്‍ പ്രവേശിപ്പിക്കുകയായിരുന്നു. ഇളങ്ങരപ്പറമ്പില്‍ നാസറിന്റെ ഭാര്യയാണ് മരിച്ച റിന്‍സി.
പ്രതികരിക്കാൻ ഇവിടെ എഴുതുക: