ന്യൂദല്ഹി : കശ്മീര് ഫയല്സ് മികച്ച സിനിമ. ഇതുപോലുള്ള സിനിമകള് ഇനിയും രാജ്യത്തുണ്ടാകണമെന്ന് പ്രധാനമന്ത്രി നരേന്ദ്രമോദി. ബിജെപി പാര്ലമെന്റ് പാര്ട്ടി യോഗത്തില് പങ്കെടുത്ത് സംസാരിക്കുകയായിരുന്നു അദ്ദേഹം.
വിവേക് അഗ്നിഹോത്രി സംവിധാനം ചെയ്ത കശ്മീര് ഫയല്സ് എംപിമാര് എല്ലാവരും തീര്ച്ചയായും കണ്ടിരിക്കേണ്ട സിനിമയാണെന്ന് പ്രധാന മന്ത്രി പാര്ലമെന്ററി യോഗത്തില് അറിയിച്ചു. സിനിമ കാണുന്നതിന് മധ്യപ്രദേശില് പോലീസിന് അവധി നല്കിയിരുന്നു. കൂടാതെ ഗുജറാത്ത്, കര്ണ്ണാടക സര്ക്കാരുകള് നികുതി ഇളവും പ്രഖ്യാപിച്ചിട്ടുണ്ട്.
വിവേക് അഗ്നിഹോത്രി തിരക്കഥയെഴുതി സംവിധാനം ചെയ്യുന്ന ചിത്രത്തില് അനുപം ഖേര്, മിഥുന് ചക്രവര്ത്തി എന്നിവരാണ് കേന്ദ്ര കഥാപത്രങ്ങളെ അവതരിപ്പിക്കുന്നത്. കശ്മീര് പണ്ഡിറ്റുകളെ സംബന്ധിച്ച കഥയാണ് സിനിമയില് പറയുന്നത്.
