പ്രശസ്ത തെന്നിന്ത്യന്‍ താരം ശങ്കര്‍ നിര്‍മ്മാണവും സുരേഷ് ഉണ്ണികൃഷ്ണന്‍ സംവിധാനവും നിര്‍വഹിക്കുന്ന മലയാള ചലച്ചിത്രം ‘എഴുത്തോല’ യിലേക്ക് അഭിനേതാക്കളെ ക്ഷണിക്കുന്നു. എണ്‍പതുകളുടെ പ്രണയ നായകന്‍ ശങ്കര്‍, ‘ചേക്കേറാന്‍ ഒരു ചില്ല’ (1986) ക്കു ശേഷം നിര്‍മ്മിക്കുന്ന രണ്ടാമത്തെ ചലച്ചിത്രമാണ് എഴുത്തോല. Otio Entertainments LLP എന്ന പേരില്‍ ശങ്കര്‍ ഈ വര്ഷം ആരംഭിച്ച നിര്‍മ്മാണ കമ്പനിയുടെ ബാനറില്‍ ആയിരിക്കും സിനിമ റിലീസ് ചെയ്യുക. കേരളത്തിലെ മാറുന്ന വിദ്യാഭ്യാസ സമ്പ്രദായത്തെക്കുറിച്ചുള്ള വളരെ വ്യത്യസ്തമായ പ്രമേയമാകും സിനിമ കൈകാര്യം ചെയ്യുന്നത്.
എഴുത്തോലയുടെ രചനയും സംവിധാനവും നിര്‍വഹിക്കുന്നത് യുകെ മലയാളിയായ സുരേഷ് ഉണ്ണികൃഷ്ണനാണ്. ചാലക്കുടിക്ക് സമീപമുള്ള പൊന്നാമ്പിയോളി സ്വദേശിയായ സുരേഷ് യുകെയില്‍ സോളിസിറ്ററാണ്. പ്രമുഖ സിനിമാ സീരിയല്‍ താരം നിഷ സാരംഗ് മുഖ്യ വേഷം കൈകാര്യം ചെയ്യുന്ന സിനിമയില്‍ ശങ്കറും ഒരു സുപ്രധാന വേഷം കൈകാര്യം ചെയ്യുന്നുണ്ട്.
2022 മെയ് മാസം ചാലക്കുടിക്ക് സമീപം ഷൂട്ടിങ് ആരംഭിക്കുന്ന സിനിമയിലേക്ക് കുട്ടികളും മുതിര്‍ന്നവരുമടക്കം നിരവധി അഭിനേതാക്കളെ ആവശ്യമുണ്ട്. താല്പര്യമുള്ളവര്‍ താഴെ പറയുന്ന ഇമെയിലിലോ വാട്‌സാപ്പ് നമ്പറിലോ ഒരു മിനിറ്റില്‍ കവിയാത്ത ഇന്‍ട്രോ വീഡിയോയും പെര്‍ഫോമന്‍സ് വീഡിയോയും 2022 മാര്‍ച് 31 ന് മുന്‍പായി അയക്കുക. ടിക്ക്‌ടോക്ക്‌ വീഡിയോകള്‍ സ്വീകരിക്കുന്നതല്ല.
പ്രതികരിക്കാൻ ഇവിടെ എഴുതുക: