ന്യൂദല്ഹി: രാഹുല് ഗാന്ധിയേക്കാള് കൂടുതലായി ബിജെപിയെ വിമര്ശിക്കുകയും കോണ്ഗ്രസിനെ പുകഴ്ത്തുകയും ചെയ്യുന്ന പത്രപ്രവര്ത്തകന് രാജ്ദീപ് സര്ദേശായിക്കെതിരെ ട്രോള് മഴ. അഞ്ച് സംസ്ഥാനങ്ങളിലെ എക്സിറ്റ് പോള് ഫലങ്ങളില് നാലിലും ബിജെപി മുന്നേറുമെന്ന പ്രവചനമുണ്ടായതോടെയാണ് രാജ്ദീപ് സര്ദേശായിക്കെതിരെ ട്രോള് ശക്തമായത്.
പഞ്ചാബിന്റെ എക്സിറ്റ് പോള് ഫലത്തില് ആംആദ്മി പാര്ട്ടി വന്വിജയം നേടുമെന്ന് പ്രഖ്യാപിച്ചതിന് പിന്നാലെയാണ് രാജ്ദീപ് സര്ദേശായിക്കെതിരെ ശക്തമായ വിമര്ശനം ഉയര്ന്നത്. തെരഞ്ഞെടുപ്പിന് മുന്പ് മുഖ്യമന്ത്രിയെ മാറ്റിയത് കോണ്ഗ്രസിന് വിനയായതെന്നാണ് തിങ്കളാഴ്ച രാജ്ദീപ് സര്ദേശായി നടത്തിയ വിമര്ശനം.
എന്നാല് അമരീന്ദര്സിംഗിനെ മുഖ്യമന്ത്രിസ്ഥാനത്ത് നിന്നും മാറ്റിയ വേളയില് തെരഞ്ഞെടുപ്പിന് ആറ് മാസം മുന്പ് മുഖ്യമന്ത്രിയെ മാറ്റിയത് ഭരണവിരുദ്ധ വികാരം ഒഴിവാക്കാന് കോണ്ഗ്രസിനെ സഹായിക്കുമെന്ന് അന്ന് രാജ്ദീപ് സര്ദേശായി അഭിപ്രായപ്പെട്ടിരുന്നു.
ഈ അഭിപ്രായപ്രകടനങ്ങളിലെ പൊരുത്തക്കേടുകള് ചൂണ്ടിക്കാട്ടിഇന്ത്യയിലെ ഏറ്റവും വലിയ സ്പിന്നറാണ് രാജ്ദീപ് സര്ദേശായി എന്നാണ് പലരും ട്രോളിയത്.
