ഇംഫാല്:മണിപ്പൂരില് ബിജെപി സര്ക്കാര് വീണ്ടും അധികാരത്തില് എത്തുമെന്ന് പ്രവചനം. 60 അംഗ നിയമസഭയില് ബിജെപി 27 മുതല് 31 സീറ്റുകള് വരെ നേടുമെന്ന് പി-മാര്ക്കും റിപ്പബ്ലിക് ടിവിയും ചേര്ന്ന് നടത്തിയ എക്സിറ്റ് പോള് ഫലം പറയുന്നു. ബിജെപി സര്ക്കാര് ഇവിടെ തുടര്ഭരണം നേടുമെന്ന് ഏതാണ്ടുറപ്പായി.
തൊട്ടരികില് നില്ക്കുന്ന കോണ്ഗ്രസിന് 11-17 സീറ്റുകള് വരെ മാത്രമേ ലഭിക്കു. നാഷണല് പീപ്പിള്സ് പാര്ട്ടി (എന്പിപി) 6-10 വരെ സീറ്റുകള് നേടി മൂന്നാമതെത്തുമ്പോള് നാഗാ പീപ്പിള്സ് ഫ്രണ്ട് (എന്പിഎഫ്) 2-6 സീറ്റുകള് വരെ നേടി നാലാമതെത്തും.
മണിപ്പൂരിലെ നിലവിലുള്ള മുഖ്യമന്ത്രി എന്. ബിരേന് സിങ്ങ് തന്നെയാണ് ഇവിടുത്തെ ബിജെപിയുടെ മുഖ്യമന്ത്രി സ്ഥാനാര്ത്ഥി.
