ലക്‌നൗ ആസ്ഥാനമായ സ്മാള്‍ ഇന്‍ഡസ്ട്രീസ് ഡവലപ്‌മെന്റ് ബാങ്ക് ഓഫ് ഇന്ത്യ (സിഡ്ബി) ജനറല്‍ സ്ട്രീമില്‍ ഗ്രേഡ് എ ഓഫീസര്‍/അസിസ്റ്റന്റ് മാനേജര്‍മാരെ തെരഞ്ഞെടുക്കുന്നു. വിശദവിവരങ്ങളടങ്ങിയ റിക്രൂട്ട്‌മെന്റ് വിജ്ഞാപനം www.sidbi.in ല്‍നിന്നും ഡൗണ്‍ലോഡ് ചെയ്യാം. ആകെ 100 ഒഴിവുകള്‍ (ജനറല്‍ -43, ഇഡബ്ല്യുഎസ് 10, ഒബിസി 24, എസ്‌സി 16, എസ്ടി 7), ശമ്പള നിരക്ക് 28150-55600 രൂപ. പ്രതിമാസം ഏകദേശം 70,000 രൂപ ശമ്പളം ലഭിക്കും.
യോഗ്യത- ബാച്ചിലേഴ്‌സ് ബിരുദം (നിയമം)/ബിഇ/ബിടെക് (സിവില്‍/ഇലക്ട്രിക്കല്‍/മെക്കാനിക്കല്‍) അല്ലെങ്കില്‍ മാസ്‌റ്റേഴ്‌സ് ഡിഗ്രി (കോമേഴ്‌സ്/ഇക്കണോമിക്‌സ്/മാനേജ്‌മെന്റ്) അല്ലെങ്കില്‍ സിഎ/സിഎസ്/സിഡബ്ല്യുഎ/സിഎംഎ/സിഎഫ്എ അല്ലെങ്കില്‍ പിഎച്ച്ഡി 60% മാര്‍ക്കില്‍ കുറയാതെ വിജയിച്ചിരിക്കണം. എസ്‌സി/എസ്ടി വിഭാഗങ്ങള്‍ക്ക് 55 % മാര്‍ക്ക് മതി. പ്രായപരിധി 4.3.2022 ല്‍ 21-28 വയസ്. സംവരണ വിഭാഗങ്ങള്‍ക്ക് ചട്ടപ്രകാരം പ്രായപരിധിയില്‍ ഇളവുണ്ട്.
അപേക്ഷാ ഫീസ് 1100 രൂപ. എസ്‌സി/എസ്ടി/പിഡബ്ല്യുഡി വിഭാഗങ്ങള്‍ക്ക് 175 രൂപ മതി. അപേക്ഷ ഓണ്‍ലൈനായി മാര്‍ച്ച് 24 നകം സമര്‍പ്പിക്കണം. ഇതിനുള്ള നിര്‍ദ്ദേശങ്ങള്‍ വിജ്ഞാപനത്തിലുണ്ട്.
ഓണ്‍ലൈന്‍ ഒബ്ജക്ടീവ്, ഡിസ്‌ക്രിപ്റ്റീവ് ടെസ്റ്റ്, വ്യക്തിഗത അഭിമുഖം എന്നിവയുടെ അടിസ്ഥാനത്തിലാണ് സെലക്ഷന്‍. കേരളത്തില്‍ തിരുവനന്തപുരം, കൊച്ചി, കോഴിക്കോട് എന്നിവയും കര്‍ണാടകത്തില്‍ ബെംഗളൂരു, മാണ്ഡ്യ, ബെല്‍ഗാവി, മൈസൂര്‍, ഹൂബ്ലി, ധര്‍വാഡ, ഗുല്‍ബര്‍ഗ എന്നിവയും ടെസ്റ്റ് സെന്ററുകളാണ്. ടെസ്റ്റ് സിലബസ, സംവരണ മാനദണ്ഡങ്ങള്‍ ഉള്‍പ്പെടെ കൂടുതല്‍ വിവരങ്ങള്‍ വിജ്ഞാപനത്തിലുണ്ട്.
പ്രതികരിക്കാൻ ഇവിടെ എഴുതുക: