തിരുവനന്തപുരം: ഏഷ്യാനെറ്റ് ന്യൂസ് സീനിയര് പ്രൊഡ്യൂസര് തിരുവനന്തപുരം വഴുതക്കാട് ലെനിന് നഗര് നിരഞ്ജനത്തില് ശോഭാ ശേഖര് (40) അന്തരിച്ചു. അര്ബുദബാധയെത്തുടര്ന്ന് ചികിത്സയിലായിരുന്നു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം.
ചരിത്രത്തില് ബിരുദം നേടിയ ശേഷം തിരുവനന്തപുരം പ്രസ് ക്ലബില്നിന്ന് ജേണലിസത്തില് ബിരുദാനന്തര ഡിപ്ലോമ നേടി. വെബ്ലോകം വെബ് പോര്ട്ടലിലും മംഗളം ദിനപത്രത്തിലും പ്രവര്ത്തിച്ചു. സുപ്രഭാതം, നേര്ക്കുനേര് തുടങ്ങി ഏഷ്യാനെറ്റ് ന്യൂസിലെ വിവിധ പ്രോഗ്രാമുകളുടെ പ്രോഗ്രാം പ്രൊഡ്യൂസറായി പ്രവര്ത്തിച്ചു. എ.കെ.ആന്റണി മുഖ്യമന്ത്രിയായിരിക്കെ പഴ്സനല് സ്റ്റാഫ് ആയിരുന്ന വി.സോമശേഖരന് നാടാര് ആണ് പിതാവ്. മാതാവ്: പരേതയായ പി. പ്രഭ, രണ്ടു സഹോദരിമാരുണ്ട്.
