പാരീസ്: രാജ്യത്തെ കോടതിക്കുള്ളില് അഭിഭാഷകര് ഹിജാബ് ധരിക്കാന് പാടില്ലെന്ന് ഫ്രാന്സിലെ പരമോന്നത കോടതി. ഹിജാബ് അടക്കം ഒരു മതചിഹ്നങ്ങളും അഭിഭാഷകര്ക്ക് അനുവദിക്കില്ല. കോടതിയില് മതേതരത്വം പ്രധാനമാണെന്നും കോടതി വ്യക്തമാക്കി. ഫ്രാന്സില് ഹിജ്ബാ നിരോധനം വേണമെന്ന് ആവശ്യ ശക്തമാണ്. ഈ ആവശ്യത്തിന് ശക്തി പകരുന്നതാണ് പരമോന്നത കോടതിയുടെ ഈ വിധി.
ഹിജാബിനായി ഫ്രഞ്ച് സിറിയന് അഭിഭാഷകയായ സാറാ അസ്മെത ആണ് കോടതി മുറികളില് ഹിജാബും മറ്റ് മതചിഹ്നങ്ങളും ധരിക്കുന്നത് വിലക്കിയ ഉത്തരവിനെതിരേ പരമോന്നത കോടതിയെ സമീപിച്ചത്. കോടതിമുറികളില് മതപരമായ അടയാളങ്ങള് നിരോധിക്കുന്ന ബാര് കൗണ്സില് ഓഫ് ലില്ലെ നിയമത്തെ ചോദ്യം ചെയ്താണ് സാറ കോടതിയെ സമീപിച്ചത്.
ഒരു വശത്ത് അഭിഭാഷകന്റെ സ്വാതന്ത്ര്യം സംരക്ഷിക്കുന്നതിനും മറുവശത്ത് രാജ്യത്തിന്റെ മതനിരപേക്ഷത സംരക്ഷിക്കേണ്ടത് അനിവാര്യമാണെന്ന് കോടതി വ്യക്തമാക്കി. വിധിയില് താന് ഞെട്ടിപ്പോയെന്നും നിരാശയുണ്ടെന്നും അസ്മെത റോയിട്ടേഴ്സിനോട് പറഞ്ഞു.
നേരത്തേ, ഫ്രാന്സിലെ വനിത ഫുട്ബോള് താരങ്ങള് കളിക്കളങ്ങളില് ഹിജാബ് ധരിക്കുന്നത് നിയമം മൂലം നിരോധിച്ചിരുന്നു.
