കൊച്ചി: സിപിഎം ക്രിമിനലുകള് കൊല ചെയ്ത കിഴക്കമ്പലം ട്വന്റി ട്വന്റി പ്രവര്ത്തകന് ദീപുവിന്റെ വീട് ബിജെപി സംസ്ഥാന അദ്ധ്യക്ഷന് കെ.സുരേന്ദ്രന് സന്ദര്ശിച്ചു. ദീപുവിന്റെ കൊലപാതകത്തില് സംസ്ഥാന സര്ക്കാരിന് അനാസ്ഥയാണെന്ന് അദ്ദേഹം പറഞ്ഞു. പട്ടികജാതി വിഭാഗത്തില്പ്പെട്ട യുവാവ് സിപിഎം ക്രിമിനലുകളാല് കൊല ചെയ്യപ്പെട്ടിട്ടും സംസ്ഥാന പട്ടികജാതി കമ്മീഷന് നോക്കുകുത്തിയായിരിക്കുകയാണ്.
കളക്ടറും എംഎല്എയും ഉള്പ്പെടെയുള്ള അധികൃതര് ആരും ഒരക്ഷരം മിണ്ടുന്നില്ല. ദീപുവിന്റെ കൊലപാതകത്തില് മുഖ്യമന്ത്രി നിയമസഭയെ തെറ്റിദ്ധരിപ്പിക്കുകയാണ്. രാഷ്ട്രീയ കൊലപാതകമാണ് നടന്നത്. എന്നാല് അത് മറച്ചുവെക്കാന് കഷ്ടപ്പെടുകയാണ് മുഖ്യമന്ത്രി. സംസ്ഥാനത്ത് ദളിത് വിഭാ?ഗക്കാര് പീഡിപ്പിക്കുകപ്പെടുകയാണ്. ദീപു വധക്കേസ് അട്ടിമറിക്കാന് ഗൂഢാലോചന നടക്കുന്നുണ്ട്. മരണത്തെ കുറിച്ച് മനുഷ്യത്വവിരുദ്ധമായ പ്രചരണമാണ് സിപിഎം നടത്തുന്നത്. ഈ സര്ക്കാരില് നിന്നും ലഭിക്കില്ലെന്നും സുരേന്ദ്രന് പറഞ്ഞു.
സംസ്ഥാന വൈസ്പ്രസിഡന്റ് ഡോ.കെഎസ് രാധാകൃഷ്ണന്, സംസ്ഥാന സെക്രട്ടറി രേണു സുരേഷ്, സംസ്ഥാന വക്താവ് ടിപി സിന്ധുമോള്, ജില്ലാ പ്രസിഡന്റ് എസ്.ജയകൃഷ്ണന്, ന്യൂനപക്ഷമോര്ച്ച സംസ്ഥാന അധ്യക്ഷന് ജി.ജി. ജോസഫ് എന്നിവര് ഒപ്പമുണ്ടായിരുന്നു.
