തൃശൂര്: തൃശൂര് ജില്ലാ ആശുപത്രിയില് എസ്എഫ്ഐ എഐഎസ്എഫ് സംഘര്ഷത്തെ തുടര്ന്ന് പോലീസ് ലാത്തി വീശി. പ്രവര്ത്തകരെ പിടിച്ചുമാറ്റാനെത്തിയ പൊലീസുമായി വാക്കേറ്റവും ബഹളവും അക്രമത്തിലേക്ക് വഴിമാറിയപ്പോഴാണ് ലാത്തി വീശിയത്. തുടര്ന്ന് തൃശൂര് ഈസ്റ്റ് പൊലീസ് സ്റ്റേഷനില് പി.ബാലചന്ദ്രന് എംഎല്എ എത്തി പ്രതിഷേധിച്ചു.
ഒല്ലൂര് വൈലോപ്പിള്ളി കോളജിലാണ് ആദ്യം സംഘര്ഷം ഉണ്ടായത്. ഇതില് പരുക്കേറ്റ ഇരുവിഭാഗവും ജില്ലാ ആശുപത്രിയില് ചികിത്സ തേടി. അവിടെവച്ച് വീണ്ടും തര്ക്കമുണ്ടാകുകയും ഈസ്റ്റ് പൊലീസ് സ്ഥലത്തെത്ത എഐഎസ്എഫ് ജില്ലാ സെക്രട്ടറി സനല് ഉള്പ്പെടെ 6 പേരെ പൊലീസ് കസ്റ്റഡിയിലെടുക്കുകയുമായിരുന്നു.
ഇതിനുപിന്നാലെ ബാലചന്ദ്രന് എംഎല്എ, സിപിഐ തൃശൂര് ജില്ലാ സെക്രട്ടറി കെ.കെ. വത്സരാജ് തുടങ്ങിയവര് ജില്ലാ ആശുപത്രിയില് എത്തി. എഐഎസ്എഫുകാരെ തിരഞ്ഞുപിടിച്ച് പൊലീസ് വേട്ടയാടുന്നുവെന്ന് ആരോപിച്ച് പ്രതിഷേധിക്കുകയായിരുന്നു.
