ന്യൂദല്ഹി: കേന്ദ്ര വിദേശകാര്യ മന്ത്രാലയം മൂന്നു മാസത്തെ ഇന്റേണ്ഷിപ്പ് പ്രോഗ്രാമിന് അപേക്ഷ ക്ഷണിച്ചു. അംഗീകൃത സര്വ്വകലാശാലയില് നിന്നുള്ള ബിരുദമുള്ളവര്ക്കും നിലവില് അവസാന വര്ഷ ബിരുദ വിദ്യാര്ഥികള്ക്കും അപേക്ഷിക്കാം. 2022 ഡിസംബര് 31ന് 25 വയസ്സ് കവിയാന് പാടില്ല.
ഏപ്രില് മുതല് ജൂണ് വരെയുള്ള ഇന്റേണ്ഷിപ്പിന് 75 പേര്ക്ക് അവസരം ലഭിക്കും. താല്പര്യമുള്ളവര് വിദേശകാര്യ മന്ത്രാലയത്തിന്റെ www.internship.mea.gov.in എന്ന ഔദ്യോഗിക വെബ്സൈറ്റില് ഫെബ്രുവരി 15നകം അപേക്ഷ നല്കണം. പ്രതിമാസം 10,000 രൂപ ഓണറേറിയം ലഭിക്കും.
സ്വാതന്ത്ര്യത്തിന്റെ 75-ാം വാര്ഷികാഘോഷത്തിന്റെ ഭാഗമായി ആസാദി കാ അമൃത് മഹോത്സവത്തിന്റെ ഭാഗമായാണ് പ്രോഗ്രാം. 28 സംസ്ഥാനങ്ങളിലെയും എട്ട് കേന്ദ്രഭരണപ്രദേശങ്ങളിലെയും അപേക്ഷകരെ പരിഗണിക്കുന്ന ക്വാട്ട കം വെയ്റ്റേജ് സമ്പ്രദായത്തിലൂടെയാണ് ഇന്റേണ്ഷിപ്പിന് തെരഞ്ഞെടുക്കുക. 28 സംസ്ഥാനങ്ങളില് നിന്ന് രണ്ട് വീതം ഉദ്യോഗാര്ഥികള്ക്ക് അവസരം ലഭിക്കും.
എട്ട് കേന്ദ്രഭരണ പ്രദേശങ്ങളില് നിന്ന് രണ്ട് ഉദ്യോഗാര്ഥികള്ക്കും പിന്നാക്ക ജില്ലകളിലെയും മേഖലകളിലെയും വിഭാഗങ്ങളിലെയും ഉയര്ന്ന മാര്ക്കുള്ള മൂന്ന് ഉദ്യോഗാര്ത്ഥികള്ക്കും അവസരം ലഭിക്കും. 75 ഇന്റേണ്ഷിപ്പുകളില് 30 ശതമാനം വനിതാ ഉദ്യോഗാര്ഥികള്ക്ക് സംവരണം ചെയ്തിട്ടുണ്ട്. എസ്സി, എസ്ടി, ഒബിസി, ഇഡബ്ല്യുഎസ് വിഭാഗങ്ങളിലുള്ള ഉദ്യോഗാര്ഥികള്ക്ക് മുന്ഗണന ലഭിക്കും.
