കൊച്ചി : നടിയെ ആക്രമിച്ച കേസ് അന്വേഷിക്കുന്ന ഉദ്യോഗസ്ഥരെ വധിക്കാന് ശ്രമിച്ചെന്ന കേസില് നടന് ദിലീപ് അടക്കമുള്ള പ്രതികളുടെ ഫോണ് തിരുവനന്തപുരം ഫോറന്സിക് ലാബിലേക്ക് അയയ്ക്കുന്നു. ഇതിനായി ദിലീപ് ഫോണുകളുടെ അണ്ലോക്ക് പാറ്റേണ് ആലുവ കോടതിക്ക് കൈമാറിയിട്ടുണ്ട്. കോടതി നിര്ദ്ദേശത്തെ തുടര്ന്ന് പ്രതികള് അഭിഭാഷകന് മുഖേനയാണ് പാറ്റേണ് കൈമാറിയത്.
പ്രതികളോ അഭിഭാഷകരോ നേരിട്ടെത്തി പാറ്റേണ് കൈമാറണമെന്നാവശ്യപ്പെട്ടാണ് കോടതി നോട്ടീസ് നല്കിയിരുന്നത്. ഫോണുകള് തിരുവനന്തപുരം ഫൊറന്സിക് ലാബില് പരിശോധിക്കണമെന്നാണ് ക്രൈംബ്രാഞ്ച് ആവശ്യപ്പെട്ടത്. ഇതോടൊപ്പം ദിലീപിന്റെ ശബ്ദ പരിശോധന നടത്താനുള്ള കോടതി അനുമതിക്കായും അന്വേഷണ സംഘം നടപടി തുടങ്ങി. സംവിധായകന് ബാലചന്ദ്രകുമാര് ഹാജരാക്കിയ ഓഡിയോ സംഭാഷണത്തിലുളളത് തങ്ങളുടെ ശബ്ദം തന്നെയാണെന്ന് ദിലീപും സഹോദരന് അനൂപും സഹോദരീ ഭര്ത്താവ് സുരാജും ചോദ്യം ചെയ്യലില് സമ്മതിച്ചിരുന്നു.
കോടതിയനുമതിയോടെ കാക്കനാട് ചിത്രാഞ്ജലി സ്റ്റുഡിയോയില് ശബ്ദപരിശോധന നടത്താനാണ് നീക്കം. സംവിധായകന് റാഫി അടക്കമുളള സുഹൃത്തുക്കളും ശബ്ദം സ്ഥിരീകരിച്ചിരുന്നു. എന്നാല് പ്രതികളുടെ ശബ്ദം തന്നെയാണിതെന്ന് ശാസ്ത്രീയമായി തെളിയിക്കുന്നതിനാണ് ശബ്ദ സാമ്പിള് ശേഖരിക്കാന് നടപടി തുടങ്ങിയത്.
ഹൈക്കോടതി ഉത്തരവിനെത്തുടര്ന്ന് ദിലീപിന്റെയും കൂട്ടു പ്രതികളുടെയും ആറ് മൊബൈല് ഫോണുകളാണ് ചൊവ്വാഴ്ച രാത്രി ആലുവ മജിസ്ട്രേറ്റ് കോടതിയില് എത്തിച്ചത്. നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസിലെ ശാസ്ത്രീയ തെളിവുകള് കണ്ടെത്താനായാണ് ഫോണുകള് ഫോറന്സിക് പരിശോധനയ്ക്ക് അയയ്ക്കുന്നത്.
സംവിധായകന് ബാലചന്ദ്രകുമാര് ഹാജരാക്കിയ ഓഡിയോ സംഭാഷണത്തിലുളളത് തങ്ങളുടെ ശബ്ദം തന്നെയാണെന്ന് ദിലീപും സഹോദരന് അനൂപും സഹോദരീ ഭര്ത്താവ് സുരാജും ചോദ്യം ചെയ്യലില് സമ്മതിച്ചിരുന്നു.
