കോട്ടയം: വാവാ സുരേഷിന് പാമ്പ് കടിയേറ്റ കുറിച്ചിയുടെ വടക്കൻ മേഖലയില് പാമ്പുകളുടെ ഭീഷണി കൂടിവരുകിയാണെന്ന് നാട്ടുകാർ. വെളളപ്പൊക്ക ഭീഷണി നേരിടുന്ന ഇവിടെ മീന് പിടിക്കാനുളള വലയിലും മറ്റും പാമ്പുകള് കുടുങ്ങുന്നത് സര്വ്വ സാധാരണയാണെന്ന് നാട്ടുകാര് പറയുന്നു.
മൂര്ഖന് പാമ്പുകളാണ് കൂടുതലായി കാണുന്നത്. വാവ സുരേഷ് പാമ്പിനെ പിടിക്കാന് വരുന്ന സമയത്ത് രണ്ട് പാമ്പുകള് പരിസരത്ത് ഉണ്ടായിരുന്നു. ഒരാഴ്ച്ചയായി പാമ്പുകള് പരിസരത്ത് ഉണ്ട്. യൂത്ത് കോണ്ഗ്രസ് കുറിച്ചി മണ്ഡലം പ്രസിഡന്റ് കരിനാട്ടുകവല പാട്ടാശ്ശേരിയില് വാണിയപ്പുരയ്ക്കല് വി.ജെ നിജുമോന്റെ വീട്ടുവളപ്പിലാണ് പാമ്പിനെ കണ്ടത്. കരിങ്കല് കൂട്ടത്തിനിടയില് കണ്ട പാമ്പിനെ വാവസുരേഷ് എത്താന് താമസിച്ചതിനാല് വീട്ടുകാര് പടിക്കാന് ശ്രമിച്ചെങ്കിലും നടന്നില്ല.
വാവ സുരേഷ് എത്തി നാട്ടുകാരുടെ സഹായത്തോടെ കല്ലുകള് മാറ്റി പാമ്പിനെ കണ്ടെത്തിയത്. ഉടന് പിടികൂടി. നാലുതവണ ചാക്കില് നിന്ന് ചാടിപ്പോയ പാമ്പിനെ അഞ്ചാംതവണ ചാക്കിലാക്കാന് ശ്രമിക്കുന്നതിനിടയിലാണ് കടിയേറ്റത്.വലതുകാലിലാണ് കടി ഏറ്റത്. ഇതോടെ പാമ്പ് വീണ്ടും കല്ലിനടിയില് ഒളിച്ചു. കടിയേറ്റത് വകവെക്കാതെ വാവ സുരേഷ് വീണ്ടും പാമ്പിനെപിടികൂടി കാര്ഡ്ബോര്ഡ് പെട്ടിയിലാക്കി കാറില് വെച്ചു. സ്വയം പ്രഥമ ശുശ്രഷ ചെയ്തു.
കാല് കടിയേറ്റ ഭാഗം വെളളം ഒഴിച്ച് കഴുകി , തുണികൊണ്ട് കെട്ടി. ആശുപത്രിയിലേക്ക് കൊണ്ടുപോകും വഴി അവശനായി. ആദ്യം സ്വകാര്യ ആശുപത്രിയിലും പിന്നീട് മെഡിക്കല് കോളേജിലും എത്തിച്ചു. വാവ സുരേഷിനെ പാമ്പ് കടിക്കുന്നത് കണ്ട് നാട്ടുകാരന് ബോധംകെട്ടു വീണു. ഇദ്ദേഹത്തെ കോട്ടയത്തെ സ്വകാര്യ ആശുപത്രിയില് പ്രവേശിപ്പിച്ചു. പാമ്പിനെ കണ്ടത്തുന്നതിനുളള ആപ്പ് ആയ സര്പ്പ(sarpa) എല്ലാ ജില്ലകളിലും ഉണ്ട് .പാമ്പിനെ കണ്ടത്തുകയാണെങ്കില് വിവരം വനം വകുപ്പിന്റെ ആപ്പില് നല്കാവുന്നതാണ്.
വിവരം ലഭിച്ച ഉടന് റസ്ക്യൂടീം എത്തി പാമ്പിനെപ്പിടിച്ച് ഉള്വനത്തില് കൊണ്ടുവിടും. ജില്ലയില് 43 ഓളം പേര് പാമ്പ് പിടുത്തത്തില് പരിശീലനം പൂര്ത്തിയാക്കിയിട്ടുണ്ട്. പ്ലേസ്റ്റോറില് നിന്ന് ആപ്പ് ഡൗണ്ലോഡ് ചെയ്യാം.വിവരങ്ങള്ക്ക് :8943249386
