കൊച്ചി: റിപ്പോര്ട്ടര് ടിവിയ്ക്കും തനിയ്ക്കുമെതിരെ പൊലീസ് അഞ്ചല്ല അയ്യായിരം കേസെടുത്താലും താന് അതിജീവിതയ്ക്കൊപ്പമെന്ന് റിപ്പോര്ട്ടര് ചാനലിന്റെ എംഡി എം.വി. നികേഷ്കുമാര്.
നടിയെ ആക്രമിച്ച കേസില് കോടതിയിലെ നിര്ണയകമായ നിയമ നടപടികള് ചാനല് ചര്ച്ചയിലൂടെ വെളിപ്പെടുത്തിയ റിപ്പോര്ട്ടര് ടി.വി (Reporter TV) എം.ഡി നികേഷ് കുമാറിനെതിരെ (M V Nikesh Kumar ) പോലീസ് സ്വയമേധയാ അഞ്ചു കേസുകളെടുത്തിരുന്നു. കേസില് പ്രോസിക്ക്യൂഷന് ഹാജരാക്കിയ പല വിവരങ്ങളും ചാനലിലൂടെ വെളിപ്പെടുത്തിയതിനാണ് പോലീസ് കേസെടുത്തിരിക്കുന്നത്. സമാന്തര കോടതിയായി റിപ്പോര്ട്ടര് ചാനല് മാറിയെന്നാണ് കേസ് എടുത്തിരിക്കുന്നതാണ് പോലീസ് നല്കുന്ന വിശദീകരണം. ഐ.പി.സി സെക്ഷന് 228 എ (3) (Section 228A in The Indian Penal Code) പ്രകാരമാണ് കേസ്. വിചാരണ കോടതിയുടെ പരിഗണനയിലുള്ള ഒരു വിഷയം കോടതിയുടെ അനുമതിയില്ലാതെ ചാനലിലൂടെ പരസ്യപ്പെടുത്തി എന്നതാണ് നികേഷിനെതിരെ എതിരെയുള്ള കുറ്റം.
ഈ സാഹചര്യത്തിലാണ് നികേഷ്കുമാര് ട്വിറ്ററിലൂടെ പ്രതികരണവുമായി എത്തിയത്. അഞ്ചല്ല അയ്യായിരം കേസെടുത്താലും നിന്റെ കൂടെ എന്ന തലക്കെട്ടോടെയാണ് നികേഷ് കുമാര് പോസ്റ്റ് പങ്കുവെച്ചത്.
