ബത്തേരി: അധികൃതരുടെ വാഗ്ദാന ലംഘനത്തിന്റെ നേര്ക്കാഴ്ച്ചയായി ചെതലയം താത്തൂര് കോളനി റോഡ്. സിനിമ നടന് മണിയുടെ കോളനിയായ താത്തൂരിലേക്ക് എത്തുന്ന റോഡില് ഒരു കിലോമീറ്റര് ദൂരമാണ് ഇപ്പോഴും സഞ്ചാരയോഗ്യമല്ലാതായി കിടക്കുന്നത്.
അസുഖമായവരെയും ഗര്ഭിണികളെയും പുറംലോകത്ത് എത്തിക്കണമെങ്കില് ചുമലിലേറ്റി പോകേണ്ട അവസ്ഥയാണ് പ്രദേശവാസികള്ക്ക്. ഒരു പതിറ്റാണ്ട് മുമ്പ് മികച്ച ബാലതാരത്തിനുള്ള സംസ്ഥാന അവാര്ഡ് നേടിയപ്പോഴാണ് മണിയുടെ കോളനിയായ ചെതലയം താത്തൂര് കോളനിയിലേക്കുള്ള റോഡ് നന്നാക്കി സഞ്ചാരയോഗ്യമാക്കുമെന്ന് അന്നത്തെ സര്ക്കാര് പ്രഖ്യാപിച്ചത്. എന്നാല് ഇതുവരെ പ്രഖ്യാപനം യാഥാര്ഥ്യമായി്ട്ടില്ല.
ചെതലയം ആറാംമൈലില് നിന്നും മൂന്ന് കിലോമീറ്റര് ദൂരമാണ് താത്തൂര് പണിയ, കാട്ടുനായ്ക കോളനിയുള്ളത്. ആറാം മൈലില് നിന്നും രണ്ട് കിലോമീറ്റര് ദൂരം ടാറിംഗ് നടത്തിയിട്ടുണ്ട്. തുടര്ന്നു വരുന്ന ദൂരമാണ് ശാപമോക്ഷമില്ലാതെ കിടക്കുത്. വയലിന് നടുവിലൂടെയും ഫോറസ്റ്റിന് സമീപത്തുകൂടെയും കടന്നുപോകുന്ന ഒരു കിലോമീറ്റര് ദൂരത്തില് കാല് നടയാത്രപോലും സാധ്യമല്ല.
ചെറിയ ചാറ്റല് മഴ പെയ്താല് പോലും ഈ ഭാഗം ചളിക്കുളമാകും. ഇത് കോളനികളിലെ 30 ഓളം കുടുംബങ്ങള്ക്കും റോഡിനെ ആശ്രയിക്കുന്ന നൂറുകണക്കിന് മറ്റ് കുടുംബങ്ങള്ക്കും ദുരിതമായിരിക്കുകയാണ്. അസുഖമായവരെ ആശുപത്രിയിലെത്തിക്കാനും. പ്രദേശത്തെ വലുകളില് കൃഷിയിറക്കുന്ന വിളകള് പുറംലോകത്തെത്തിക്കാനും മറ്റുസാധ്യമാകാത്ത അവസ്ഥയാണ്.
ടാറിംഗ് നടത്തിയ രണ്ട് കിലോമീറ്റര് ദൂരവും പൊളിഞ്ഞ് കിടക്കുകയാണ്. ഇതും ചെറിയ വാഹനങ്ങള്ക്കും മറ്റും ഏറെ ദുരിതമാണ് വരുത്തുന്നത്. ഇനിയെങ്കിലും ഈ അവസ്ഥയ്ക്ക് പരിഹാരം കാണണമൊണ് പ്രദേശവാസികളുടെയും കോളനി നിവാസികളുടെയും ആവശ്യം.
