മുംബൈ: ഇന്ത്യയിലെ ഏറ്റവും വലിയ മൂന്നാമത്തെ ബിസനസ് ഗ്രൂപ്പായ അദാനി മീഡിയ ( Adani Group) രംഗത്തേക്കും ചുവടുവെയ്ക്കുന്നു. ഓണ്ലൈന് ബൈവ് ശൃഖലയ്ക്ക് തുടക്കമിട്ടുകൊണ്ടാണ് അദാനി ഗ്രൂപ്പ് മീഡിയ രംഗത്തേക്ക് എത്തുന്നത്. 14 ഭാഷകളിലുള്ള വെബ്സൈറ്റാണ് ആദ്യഘട്ടത്തില് പുറത്തിറക്കുക.
ദൃശ്യമാധ്യമ രംഗത്ത് ചുവട് ഉറപ്പിക്കുന്നതിന്റെ ഭാഗമായി നഷ്ടത്തില് നിന്നും നഷ്ടത്തിലേക്ക് കൂപ്പ് കുത്തുന്ന എന്ഡി ടിവിയെ (NDTV) ഏറ്റെടുക്കുമെന്നുള്ള റിപ്പോര്ട്ടുകളും പുറത്തുവന്നിട്ടുണ്ട്. അദാനി ഗ്രൂപ്പിന്റെ മീഡിയ സംരംഭത്തിന്റെ ചീഫ് എഡിറ്ററായി മാധ്യമപ്രവര്ത്തകന് സഞ്ജയ് പുഗാലിയെ (journalist Sanjay Pugalia) അടുത്തിടെ നിയമിച്ചിരുന്നു. ഇദേഹത്തിന്റെ നേതൃത്വത്തിലാണ് എന്ഡി ടിവിയുടെ മാതൃസ്ഥാപനമായ ന്യൂദല്ഹി ടെലിവിഷന് കമ്പനിയുമായി (New Delhi Television Ltd) അദാനി ഗ്രൂപ്പ് ചര്ച്ച നടത്തുന്നത്. കഴിഞ്ഞ സെപ്റ്റംബറില് ഇതു സംബന്ധിച്ചുള്ള വാര്ത്തകള് പുറത്തുവന്നെങ്കിലും അദാനി ഗ്രൂപ്പിന് കമ്പനി വില്ക്കുന്നതു സംബന്ധിച്ച അഭ്യൂഹങ്ങള് എന്ഡിടിവി മാനേജ്മെന്റ് നിഷേധിച്ചിരുന്നു.
കമ്പനിയുടെ സ്ഥാപകരും പ്രൊമോട്ടര്മാരുമായ പ്രണോയ് റോയ്യും രാധികയും വ്യക്തിപരമായും ആര്ആര്പിആര് ഹോള്ഡിങ്സ് െ്രെപവറ്റ് ലിമിറ്റഡ് എന്ന കമ്പനിയിലൂടെയും എന്ഡിടിവിയുടെ അടച്ചുതീര്ത്ത മൂലധനത്തിന്റെ 61.45 ശതമാനവും കൈവശം വെക്കുന്നതായി കമ്പനി എക്സ്ചേഞ്ചിനെ അറിയിച്ചു. അദാനി ഗ്രൂപ്പ് എന്ഡിടിവി ഏറ്റെടുക്കുന്നത് സംബന്ധിച്ച റിപ്പോര്ട്ടുകള് പുറത്തുവന്നതിന് പിന്നാലെ ഓഹരി വില തുടര്ച്ചയായി അപ്പര് സര്ക്യൂട്ടിലെത്തിയിരുന്നു.
പുതിയ മാധ്യമ സ്ഥാപനം തുടങ്ങുന്നതിനേക്കാള് പ്രധാനം എന്ഡിടിവി ഏറ്റെടുക്കുന്നതിനാണ് അദാനി ഗ്രൂപ്പ് നല്കുന്നത്. ഇതുമായി ബന്ധപ്പെട്ടുള്ള ചര്ച്ചകള് പുരോഗമിക്കുകയാണെന്ന് ദേശീയ മാധ്യമങ്ങള് റിപ്പോര്ട്ട് ചെയ്യുന്നു. അദാനി ഗ്രൂപ്പിന് രാജ്യത്താകമാനം സംരഭങ്ങളുണ്ട്.
