മെല്‍ബണ്‍: ഓസ്‌ട്രേലിയന്‍ ഓപ്പണില്‍ തിരിച്ചുവരവിനൊരുങ്ങിയ ആന്‍ഡി മുറെയ്‌ക്ക് അട്ടിമറി തോല്‍വി. വനിതകളില്‍ മുന്‍ യുഎസ് ഓപ്പണ്‍ ജോതാവ് റാഡുകാനുവും തോറ്റു. താരോ ഡാനിയേലിനോട് നേരിട്ടുള്ള സെറ്റുകള്‍ക്കാണ് ആന്‍ഡി മുറെ തോറ്റത്. സ്‌കോര്‍: 4-6,4-6,4-6. നീണ്ട ഇടവേളയ്‌ക്ക് ശേഷമാണ് മുറെ കളത്തിലേക്ക് തിരിച്ചെത്തിയത്.
എന്നാല്‍, ലോക രണ്ടാം നമ്പര്‍ ഡാനിയേല്‍ മെദ്‌വദേവ് നാല് സെറ്റുകള്‍ നീണ്ട പോരാട്ടത്തില്‍ ഓസ്‌ട്രേലിയയുടെ നിക്ക് കിര്‍ഗോയിസിനെ തോല്‍പ്പിച്ചു. സ്‌കോര്‍: 6-7,4-6,6-4,2-6. സ്റ്റെഫാനോസ് ടിസിപസ്, മാരിന്‍ സിലിച്ച് എന്നിവരും മൂന്നാം റൗണ്ടിലേക്കെത്തി. ലോക മൂന്നാം നമ്പര്‍ ടിസിപസ് നാല് സെറ്റുകള്‍ നീണ്ട പോരാട്ടത്തില്‍ സെബാസ്റ്റിയന്‍ ബെയ്‌സിനെ തോല്‍പ്പിച്ചു. സ്‌കോര്‍: 6-7, 7-6, 3-6, 4-6. മാരിന്‍ സിലിച്ച് നോര്‍ബര്‍ട്ട് ഗോമ്പോസിനെ തോല്‍പ്പിച്ചാണ് മുന്നേറിയത്. സ്‌കോര്‍: 2-6,3-6,6-3,6-7. ആന്‍ഡ്രെ റുബ്ലേവും ഡീന്‍ ഇവാന്‍സും വിജയിച്ചു. ആദ്യമായായിരുന്നു മുറെ ഗ്ലാന്‍ഡ് സ്ലാം മത്സരങ്ങളില്‍ രണ്ടാം റൗണ്ടില്‍ പുറത്താകുന്നത്.
വനിതകളില്‍ എമ റാഡുകാനു രണ്ടാം റൗണ്ടില്‍ തോറ്റു. സ്‌കോര്‍: 6-4,4-6,6-3. ആദ്യമായാണ് റാഡുകാനു ഓസ്‌ട്രേലിയന്‍ ഓപ്പണില്‍ മത്സരിക്കുന്നത്. മുന്‍ ലോക ഒന്നാം നമ്പര്‍ സിമോണ ഹാലെപ്പ് നേരിട്ടുള്ള സെറ്റുകള്‍ക്ക് ബെട്രിസ മെയ്‌സയെ തോല്‍പ്പിച്ചു. സ്‌കോര്‍: 6-2,6-0.
പ്രതികരിക്കാൻ ഇവിടെ എഴുതുക: