ഇന്ത്യകണ്ട ഏക്കാലത്തെയും മികച്ച വനിതാ താരം ടെന്നീസ് കോര്‍ട്ടില്‍ നിന്ന് വിടപറയാനൊരുങ്ങുന്നു.ഓസ്‌ട്രേലിയന്‍ ഓപ്പണ്‍ ടെന്നീസിലെ ആദ്യ തോല്‍വിയ്‌ക്ക് ശേഷമാണ് താരത്തിന്റെ പ്രഖ്യാപനം. 2022 തന്റെ പ്രാഫെഷണല്‍ ജീവിതത്തിലെ അവസാനവര്‍ഷമാണെന്നാണ് താരം അറിയിച്ചത്.
ഈ വര്‍ഷത്തിന്റെ തുടക്കത്തില്‍ തന്നെ ഇതെന്റെ അവസാന സീസണായിരിക്കുമെന്ന് ഉറപ്പുണ്ടായിരുന്നു. ഇതെന്റെ അവസാന സീസണ്‍ ആയിരിക്കും. ഈ സീസണ്‍ മുഴുവന്‍ കളിക്കണമെന്നുണ്ട്,പറ്റുമൊയെന്നറിയില്ല.മത്സര ശേഷം സാനിയ പറഞ്ഞു. ഓസ്‌ട്രേലിയന്‍ ഓപ്പണ്‍ ടൂര്‍ണമെന്റില്‍ യുക്രൈന്‍ താരം നാദിയ കിചെനോകുമായാണ് താരം മത്സരിക്കുന്നത്. ഓസ്‌ട്രേലിയന്‍ ഓപ്പണിലെ വനിതാ വിഭാഗം ഡബിള്‍സിന്റെ ആദ്യ റൗണ്ടില്‍ തന്നെ ഇരുവരും പുറത്തായി. 35 ക്കാരിയായ ലോക മുന്‍ ഒന്നാം നമ്പര്‍ താരം സാനിയ ഗ്രാന്റ്‌സ്‌ലം കിരീടം നേടിയ ആദ്യ ഇന്ത്യന്‍ വനിത കൂടിയാണ്. ഇത് മകളുടെ അവസാന മത്സരമാണെന്ന് പിതാവ് ഇമ്രാന്‍ മിര്‍സയും വ്യക്തമാക്കി.
കോര്‍ട്ടില്‍ നിന്ന് കുറച്ച് കാലത്തെയ്‌ക്ക് മാറി നിന്ന സാനിയ 2022 ലാണ് കോര്‍ട്ടിലേക്ക് തിരിച്ചെത്തിയത്.ഏഷ്യന്‍ ഗെയിംസിലും കോമണ്‍വെല്‍ത്ത് ഗെയിംസിലും കിരീടം ചൂടിയിട്ടുണ്ട്.സിംഗിള്‍സില്‍ നിലവില്‍ 68ാം റാങ്കിലാണ് സാനിയ. രാജ്യം അര്‍ജ്ജുന , ഖേല്‍രത്‌ന പുരസ്‌കാരങ്ങള്‍ നല്‍കി ആദരിച്ചിട്ടുണ്ട്.
