മെല്ബണ്: ഓസ്ട്രേലിയന് ഓപ്പണില് തിരിച്ചുവരവ് ഗംഭീരമാക്കി ആന്ഡി മുറെ. ആദ്യ റൗണ്ടില് ജോര്ജിയന് താരം നിക്കോളോ ബേസിലാഷ്ലിയെ അഞ്ച് സെറ്റുകള് നീണ്ട പേരാട്ടത്തില് തോല്പ്പിച്ചു. 2017ന് ശേഷം ഓസ്ട്രേലിയന് ഓപ്പണില് മുറെയുടെ ആദ്യ വിജയമാണ്. സ്കോര്: 6-1, 3-6, 6-4, 6-7, 6-4. നാല് മണിക്കൂറുകളോളം നീണ്ട കളിക്കൊടുവിലാണ് മുറെ വിജയിച്ചെത്തിയത്.
ലോക രണ്ടാം നമ്പര് താരം ഡാനില് മെദ്വദേവ് നേരിട്ടുള്ള സെറ്റുകള്ക്ക് ഹെന്റി ലാക്സണിനെ തോല്പ്പിച്ചു. സ്കോര്: 1-6, 4-6, 6-7. എമിലിയോ ഗോമസിനെ തോല്പ്പിച്ച് മാരിയന് സിലിച്ചും രണ്ടാം റൗണ്ടിലെത്തി. സ്കോര്: 3-6, 1-6, 2-6.
വനിതകളില് സിമോണ ഹാലെപ്പും സബലങ്കയും റാഡുകാനുവും രണ്ടാം റൗണ്ടിലെത്തി. മുന് ലോക ഒന്നാം നമ്പറായ ഹാലെപ്പ് നേരിട്ടുള്ള സെറ്റുകള്ക്ക് ഫ്രെച്ചിനെ തോല്പ്പിച്ചു. സ്കോര്: 6-4, 6-3. സബലങ്ക കടുത്ത പോരാട്ടത്തിനൊടുവിലാണ് സാന്ഡേഴ്സിനെ തോല്പ്പിച്ചത്. സ്കോര്: 7-5, 6-3, 2-6. റാഡുകാനുവിന്റെ വിജയം കടുത്ത പോരാട്ടത്തിലൂടെയായിരുന്നു. സ്കോര്: 6-0, 2-6, 6-1.
