കല്ലമ്പലം: ചടയമംഗലം കോദണ്ഡരാമ ക്ഷേത്രത്തിന് 1008 തൃപ്പടികള് നിര്മിക്കുമെന്ന് കോദണ്ഡരാമ ക്ഷേത്ര ട്രസ്റ്റ് ചെയര്മാന് കുമ്മനം രാജശേഖരന്.ജടായു സീതദേവിയെ സംരക്ഷിക്കാന് ശ്രമിച്ചതുപോലെ ഇതിലെ ഓരോ പടവുകളും സ്ത്രീ സുരക്ഷയുടെ ഓര്മപ്പെടുത്തലുകളാകുമെന്നും അദ്ദേഹം പറഞ്ഞു.
ചടയമംഗലം ജടായുപ്പാറയിലെ കോദണ്ഡരാമ ക്ഷേത്രത്തില് 1008 തൃപ്പടികളുടെ നിര്മാണത്തെ കുറിച്ച് വിശദീകരിക്കുന്നതിനായി പള്ളിക്കല്, മടവൂര് പഞ്ചായത്തിലെ ശ്രീരാമഭക്തരുടെ യോഗത്തില് സംസാരിക്കുകയായിരുന്നു അദ്ദേഹം.
ഈ ക്ഷേത്ര നിര്മാണത്തിന് സ്വാമി സത്യാനന്ദ സരസ്വതിയുടെ ത്യാഗപൂര്ണമായ പ്രവര്ത്തനത്തെ സ്മരണയോടെ അദ്ദേഹം വിശദീകരിച്ചു. ജി.കെ. ശശാങ്കന് നായര് അദ്ധ്യക്ഷത വഹിച്ചു. സൂര്യനാരായണന്, ബാലചന്ദ്രന് നായര്, ചടയമംഗലം ശിവദാസ്, മോഹന്ദാസ് എന്നിവര് സംസാരിച്ചു. വിവിധ സംഘടനാനേതാക്കളായ അഡ്വ. ജി.കെ. മുരളീധരന്നായര്, അണുക്കാട്ടില് ശ്രീകുമാര്, കെ. ബാബു, സുനില് ബാബു എന്നിവര് പങ്കെടുത്തു.
