ന്യൂദല്ഹി: ചരിത്രത്തിലെ ഏറ്റവും വലുതും മികച്ചതുമായി ഫ്ളൈ പാസ്റ്റ് ആകും ഈ റിപ്പബ്ലിക് ദിനാഘോഷങ്ങളുടെ ഭാഗമായി നടക്കുകയെന്ന് സേന വൃത്തങ്ങള്. റാഫേല് ഉള്പ്പെടെ ഇന്ത്യന് പ്രതിരോധ സേനയുടെ 75 വിമാനങ്ങള് രാജ്പഥിന് മുകളിലൂടെ പറന്ന് ഇന്ത്യയുടെ സൈനിക ശേഷി വെളിപ്പെടുത്തും. റിപ്പബ്ലിക് ദിന പരേഡില് വ്യോമ കര നാവികസേന എന്നിവയില് നിന്നുള്ള വിമാനങ്ങള് ആകും പറയന്നുയരുക. ആസാദി കാ അമൃത് മഹോത്സവ് ആഘോഷങ്ങള് കൂടി പ്രൗഢ ഗംഭീരകമാക്കാനാണ് വിപുലമായ ഫ്ളൈ പാസ്റ്റ് ഒരുക്കുന്നതെന്ന് ഐഎഎഫ് പിആര്ഒ വിംഗ് കമാന്ഡര് ഇന്ദ്രന് നന്ദി പറഞ്ഞു.
റിപ്പബ്ലിക് ദിന പരേഡിലെ ഏറ്റവും ആകാംക്ഷയോടെ കാത്തിരിക്കുന്ന വിഭാഗമാണ് ഫ്ളൈ പാസ്റ്റ്. റാഫേല്, ഇന്ത്യന് നേവിയുടെ മിഗ്, പി 81 നിരീക്ഷണ വിമാനങ്ങള്, ജാഗ്വാര് യുദ്ധവിമാനങ്ങള് എന്നിവ പരേഡില് ൃശക്തി പ്രദര്ശിപ്പിക്കുന്ന വിമാനങ്ങളില് പട്ടികയില് ഉള്പ്പെടുന്നു.
വിനാശ് ഫോര്മേഷനില് അഞ്ച് റാഫേലുകളാകും രാജ്പഥിന് മുകളിലൂടെ പറക്കുക. നാവികസേനയുടെമിഗ്, പി 81 നിരീക്ഷണ വിമാനങ്ങള് വരുണ രൂപീകരണത്തില് പറക്കും. ആസാദി കാ അമൃത് മഹോത്സവം ആഘോഷിക്കാന് 17 ജാഗ്വാര് യുദ്ധവിമാനങ്ങള് 75-ന്റെ ആകൃതിയില് പറക്കും. സ്വാതന്ത്ര്യ സമര സേനാനി നേതാജി സുബാഷ് ചന്ദ്രബോസിന്റെ ജന്മദിനം ഉള്പ്പെടുത്തി എല്ലാ വര്ഷവും ജനുവരി 24 ന് പകരം ജനുവരി 23 മുതല് റിപ്പബ്ലിക് ദിന ആഘോഷങ്ങള് ആരംഭിക്കാനാണ് പദ്ധതി.
