കൊച്ചിയില്‍ ആക്രമിക്കപ്പെട്ട നടി കഴിഞ്ഞ ദിവസം പേരാടാനായി സമൂഹം തനിക്ക് നല്‍കിയ പിന്തുണയ്‌ക്ക് നന്ദി പറഞ്ഞ് രംഗത്തെത്തിയിരുന്നു. സോഷ്യല്‍ മീഡിയയില്‍ വൈറലായ പോസ്റ്റ് പലരും പങ്കുവെച്ചിരുന്നു. എന്നാല്‍, ഇതിനെതിരെ ചിലര്‍ സൈബര്‍ ആക്രമണവുമായി (cyber attack) രംഗത്തെത്തിയിരുന്നു. നടിക്ക് പിന്തുണയുമായി മോഡലും സിനിമാ താരവുമായ വൈഗ റോസ് (Vaigha Rose) പോസ്റ്റ് ഷെയര്‍ ചെയ്തിരുന്നു. എന്നാല്‍, പോസ്റ്റിന് താഴെ അശ്ലീല കമന്റിട്ടയാള്‍ക്കെതിരെ രൂക്ഷപ്രതികരണമാണ് നടി നടത്തിയത്.
വീട്ടില്‍ ഉപയോഗിക്കുന്ന ഭാഷ തന്നോട് പറയാന്‍ വരരുതെന്ന് പോസ്റ്റ് കമന്റും ഇന്‍സ്റ്റഗ്രാം അക്കൗണ്ട് വിവരങ്ങളും പങ്കുവച്ച് വൈഗ കുറിച്ചു. എന്ത് പോസ്റ്റ് ഇടണം, എപ്പോള്‍ എങ്ങനെ സപ്പോര്‍ട്ട് ചെയ്യണം എന്നുള്ളത് എന്റെ ഇഷ്ടം. ഇങ്ങനത്തെ ഭാഷ ആണോ സാധാരണ വീട്ടില്‍ ചേട്ടന്റെ അമ്മയോടും സഹോദരിയോടും പറയാറുള്ളത്. പാവം വീട്ടുകാര്‍. അവര്‍ ഗതികെട്ട് കേള്‍ക്കും. പക്ഷേ ഇങ്ങോട്ട് പറയാന്‍ വരണ്ട. മൈന്‍ഡ് യുവര്‍ ലാംഗ്വേജ്’ എന്നായിരുന്നു വൈഗ കുറിച്ചത്. താരത്തിന് പിന്തുണയുമായി നിരവധി പേരാണ് രംഗത്തെത്തിയിരിക്കുന്നത്.
പ്രതികരിക്കാൻ ഇവിടെ എഴുതുക: