കൊച്ചി: ഇസ്ലാം മതം ഉപേക്ഷിച്ചവര്ക്കായുള്ള സംഘടന ‘എക്സ് മുസ്ലീംസ് ഓഫ് കേരള‘ നിലവില് വന്നു. സംഘടനയുടെ ആദ്യ യോഗം കൊച്ചിയില് ചേര്ന്നു. ഇസ്ലാം മതം ഉപേക്ഷിക്കുന്നവര്ക്ക് സാമുഹികമായ പിന്തുണ നല്കുകയാണ് ലക്ഷ്യമെന്ന് സംഘടകര് വ്യക്തമാക്കി.
നിരവധി കാരണങ്ങളാല് ഇസ്ലാം മതം ഉപേക്ഷിച്ചവരുടെ രാജ്യത്തെ തന്നെ ആദ്യത്തെ കൂട്ടായ്മയാണ് എക്സ് മുസ്ലീംസ് ഓഫ് കേരള. ഏതെങ്കിലും മതത്തില് വിശ്വസിക്കുന്നതുപോലെ തന്നെ മതവിശ്വാസം വേണ്ടെന്ന് വയ്ക്കാനുളള അവകാശവും പൗരനുണ്ടെന്നും ഇസ്ലാം മതം ഉപേക്ഷിച്ച് വരാന് താല്പര്യമുളളവര്ക്ക് പിന്തുണ നല്കുകയാണ് ലക്ഷ്യമെന്നും ഭാരവാഹികള് കൊച്ചിയില് പറഞ്ഞു.
ജനുവരി ഒമ്പത് കേരള എക്സ് മുസ്ലീം ദിനമായി ആചരിക്കാനാണ് തീരുമാനം. ഇസ്ലാം മതം ഉപേക്ഷിക്കുന്നവര് പിന്നീട് സമൂഹത്തില് ഒറ്റപ്പെടുന്ന അവസ്ഥ ഒഴിവാക്കുകയാണ് ലക്ഷ്യം. ഇത്തരത്തിലുളളവര്ക്ക് നിയമപരവും സാമൂഹികവുമായ പിന്തുണ ഉറപ്പാക്കുമെന്ന് സംഘടന അറിയിച്ചു.
