തിരുവനന്തപുരം : ബുദ്ധിമാന്ദ്യം സംഭവിച്ചവര്‍ മാത്രമേ സില്‍വര്‍ ലൈന്‍ പദ്ധതിയെ എതിര്‍ക്കൂവെന്ന് മുന്‍ മന്ത്രിയും കേന്ദ്രകമ്മിറ്റി അംഗവുമായ ഇ.പി. ജയരാജന്‍. വിവരദോഷികളും എടുത്തുചാട്ടക്കാരും വകതിരിവില്ലാത്തവരുമൊക്കെ രാഷ്‌ട്രീയ നേതൃത്വത്തിലേക്ക് എത്തിയാല്‍ പല വിഡ്ഢിത്തരങ്ങളും പ്രവര്‍ത്തിക്കുമെന്ന് പ്രതിപക്ഷത്തെ വിമര്‍ശിച്ചു.
കെ റെയില്‍ പദ്ധതി സംസ്ഥാനത്തിന്റെ സമഗ്ര വികസനത്തിനായി ഉള്ളതാണ്. സര്‍വ്വേ കല്ല് പിഴുതെറിഞ്ഞാല്‍ കെ റെയില്‍ വരില്ലെന്നാണ് ചിലരുടെ ധാരണ. വകതിരിവില്ലാത്തവര്‍ രാഷ്‌ട്രീയ നേതൃത്വ നിരയിലേക്ക് എത്തിയാല്‍ ഇത്തരത്തില്‍ പ്രവര്‍ത്തിക്കും. 100 വര്‍ഷം പിന്നിലുള്ള ചിന്തയും ബുദ്ധിയും ശക്തിയുമായി നടന്നാല്‍ കോണ്‍ഗ്രസ് ഇനിയും പല സ്ഥലങ്ങളിലും തകര്‍ന്നുകൊണ്ടിരിക്കും.
ആധുനിക കാലഘട്ടമാണിത്, പദ്ധതിയെ എതിര്‍ക്കുന്നവര്‍ ഏതോ കാലത്തെ ചിന്ത വച്ചോണ്ടിരിക്കുകയാണ്. ലോകം വളരുകയാണ് അതിന് അനുസരിച്ച് ചിന്തകളും വളരണം. ചിന്തിക്കുന്നവര്‍ ഈ പദ്ധതിയെ അനുകൂലിക്കുകയാണ് ചെയ്യുന്നതെന്നും ജയരാജന്‍ കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: