പനാജി: മുന്‍ മുഖ്യമന്ത്രി പ്രതാപ്‌സിംഗ് റാണെയ്‌ക്ക് ആദരവുമായി ബിജെപി സര്‍ക്കാര്‍. നിയമസഭാംഗമെന്ന നിലയില്‍ 50 വര്‍ഷം പൂര്‍ത്തിയാക്കിയതും സംസ്ഥാനത്തിന് അദ്ദേഹം നല്‍കിയ മഹത്തായ സേവനങ്ങള്‍ കണക്കിലെടുത്തം അദ്ദേഹത്തിന് ആജിവനാന്തം കാബിനറ്റ് മന്ത്രിയുടെ സ്ഥിരം പദവി നല്‍കാനാണ് തീരുമാനം. നിലവില്‍ പോറിയം നിയമസഭാ മണ്ഡലത്തെ പ്രതിനിധീകരിക്കുന്ന കോണ്‍ഗ്രസ് എംഎല്‍എയാണ് റാണെ. സംസ്ഥാനത്തെ മുതിര്‍ന്ന കോണ്‍ഗ്രസ് നേതാവായ റാണെ ആറുതവണ മുഖ്യമന്ത്രിയായിരുന്നിട്ടുണ്ട്. മുഖ്യമന്ത്രിക്ക് പുറമേ നിയമസഭാ സ്പീക്കര്‍, പ്രതിപക്ഷ നേതാവ് എന്നീ പദവികളും അദ്ദേഹം വഹിച്ചിട്ടുണ്ട്. എംഎല്‍എയായി 50 വര്‍ഷം പൂര്‍ത്തിയാക്കിയ എല്ലാവര്‍ക്കും ഭാവിയില്‍ ഇത്തരമൊരു പദവി നല്‍കാനാണ് ബിജെപി സര്‍ക്കാരിന്റെ തീരുമാനം.
പൊതുപ്രവര്‍ത്തകനായിരിക്കെ അദ്ദേഹം സംസ്ഥാനത്തിന് നല്‍കിയ മഹത്തായ സേവനങ്ങള്‍ കണക്കിലെടുത്തുമാണ് ഇത്തരൊരു അംഗീകാരം നല്‍കുന്നതെന്ന് മുഖ്യമന്ത്രി പ്രമോദ് സാവന്ത് പറഞ്ഞു. എണ്‍പത്തിരണ്ടുകാരനായ റാണ കോണ്‍ഗ്രസ് വിട്ട് ബി ജെ പിയിലേക്ക് പോകുമെന്ന തരത്തിലുള്ള വാര്‍ത്തകള്‍ അടുത്തിടെ പ്രചരിച്ചിരുന്നെങ്കിലും അതെല്ലാം അദ്ദേഹം തന്നെ നിഷേധിച്ചിരുന്നു.
പ്രതികരിക്കാൻ ഇവിടെ എഴുതുക: