തിരുവനന്തപുരം: സംസ്ഥാനത്ത് ഏഴ് പേര്ക്ക് കൂടി ഒമിക്രോണ് സ്ഥിരീകരിച്ചു. പത്തനംതിട്ട 4, ആലപ്പുഴ 2, തിരുവനന്തപുരം 1 എന്നിങ്ങനെയാണ് ഒമിക്രോണ് സ്ഥിരീകരിച്ചത്. പത്തനംതിട്ട ഒമിക്രോണ് സ്ഥിരീകരിച്ചവരില് രണ്ട് പേര്, യു.എ.ഇ.യില് നിന്നും, ഒരാള് അയര്ലന്ഡില് നിന്നുമാണ് വന്നതാണ്. ഒരാള്ക്ക് സമ്പര്ക്കത്തിലൂടെയാണ് ഒമിക്രോണ് ബാധിച്ചത്.
ആലപ്പുഴയില് രോഗം സ്ഥിരീകരിച്ച ആണ്കുട്ടി ഇറ്റലിയില് നിന്നും ഒരാള് ഖത്തറില് നിന്നും വന്നതാണ്. തിരുവനന്തപുരത്ത് രോഗം സ്ഥിരീകരിച്ചയാള് ടാന്സാനിയയില് നിന്നും വന്നതാണ്. രാജീവ് ഗാന്ധി സെന്റര് ഫോര് ബയോടെക്നോളജിയില് നടത്തിയ പരിശോധനയിലാണ് ഇവര്ക്ക് ഒമിക്രോണ് സ്ഥിരീകരിച്ചത്. ഇതോടെ സംസ്ഥാനത്ത് ആകെ 64 പേര്ക്കാണ് ഒമിക്രോണ് സ്ഥിരീകരിച്ചത്.
