ബിഹാര്‍: പട്‌ന മുസഫര്‍പുരില്‍ നൂഡില്‍സ് ഫാക്ടറിയില്‍ ബോയിലര്‍ പൊട്ടിത്തെറിച്ച് ആറു മരണം. ഞായറാഴ്ച രാവിലെ 10 മണിയോടെ ബേല ഏരിയയിലെ നൂഡില്‍സ് നിര്‍മാണ ഫാക്ടറിയിലാണ് അപകടമുണ്ടായത്.
പൊട്ടിത്തെറിയുടെ ശബ്ദം അഞ്ച് കിലോമീറ്റര്‍ ദൂരെ വരെ കേട്ടതായി നാട്ടുകാര്‍ പറഞ്ഞു. അപകടത്തില്‍ പന്ത്രണ്ടിലധികം പേര്‍ക്കു പരുക്കേറ്റു. അപകടത്തില്‍ ഫാക്ടറി പൂര്‍ണമായും കത്തി നശിച്ചു. അഞ്ച് ഫയര്‍ എഞ്ചിനുകള്‍ എത്തിയാണ് തീ അണച്ചത്. അപകടകാരണം വ്യക്തമല്ല. അന്വേഷണത്തിന് ഉത്തരവിട്ടതായും മരിച്ചവരുടെ ബന്ധുക്കള്‍ക്ക് നാല് ലക്ഷം രൂപ ധനസഹായം നല്‍കുമെന്നും മുഖ്യമന്ത്രി നിതീഷ് കുമാര്‍ അറിയിച്ചു. പൊട്ടിത്തെറിയുടെ ആഘാതത്തില്‍ തൊട്ടടുത്തുണ്ടായ മില്ലും തകര്‍ന്നതായാണ് വിവരം. മില്ലിനകത്ത് കിടന്നുറങ്ങുകയായിരുന്നു രണ്ട് തൊഴിലാളികള്‍ക്കും പരിക്കേറ്റിട്ടുണ്ട്. അന്വേഷണം ആരംഭിച്ചതായി ജില്ലാ മജിസ്‌ട്രേറ്റ് പ്രണവ് കുമാര്‍ പറഞ്ഞു.
പ്രതികരിക്കാൻ ഇവിടെ എഴുതുക: