പാലക്കാട്: സഞ്ജിത്തിനെ കൊലപ്പെടുത്താനെത്തിയ സംഘം ഉപയോഗിച്ചിരുന്ന കാര്, കൃത്യത്തിന് ഒരുമാസം മുമ്പ് നൗഫലിന്റെ വീട്ടിലുണ്ടായിരുന്നു. സംഭവം നടന്നശേഷം ഇയാള് ഒളിവില് പോവുകയായിരുന്നു. മലപ്പുറം സ്വദേശിയായ മുഹമ്മദ് ഇബ്രാഹിം മൗലവി കുറച്ചുകാലമായി പാലക്കാട് നഗരത്തിലെ സുന്ദരം കോളിനിക്ക് സമീപമാണ് താമസം. ഇതിന് സമീപമുള്ള പള്ളിയിലെ മൗലവിയാണ് ഇയാള്.
കൊല നടന്നതിന്റെ അടുത്ത ദിവസം മറ്റൊരു പ്രതിയായ ഒറ്റപ്പാലം ചുനങ്ങാട് മനക്കല് വീട്ടില് നിഷാദ് എന്ന നിസാര് ഓട്ടോയില് നഗരത്തിലെതന്നെ മേപ്പറമ്പില് എത്തിച്ചിരുന്നു. ഇവിടെ നിന്നും പ്രതികളെ കൊണ്ടുപോകുവാനുള്ള വാഹനവും മറ്റു സൗകര്യങ്ങളും ഉള്പ്പെടെ ഇയാള് ഒരുക്കിയിരുന്നതായി പറയുന്നു. പ്രതികള്ക്കായി പോലീസ് അന്വേഷണം വ്യാപിപ്പിച്ചിട്ടുണ്ട്. ഇവരുടെ ശക്തികേന്ദ്രങ്ങളില് ഉള്പ്പെടെ പരിശോധന ശക്തമാക്കി.
പ്രതികളെക്കുറിച്ച് വിവരം ലഭിക്കുന്നവര് പാലക്കാട് ടൗണ് സൗത്ത് എസ്എച്ച്ഒ: 9497987147, പാലക്കാട് ടൗണ് സൗത്ത് എസ്ഐ: 9497980637 പാലക്കാട് ടൗണ് സൗത്ത് സ്റ്റേഷന്: 04912537368 എന്നീ നമ്പറുകളില് വിളിച്ച് അറിയിക്കേണ്ടതാണ്.
