മട്ടന്നൂര്: കണ്ണൂര് വിമാനത്താവളത്തില് ഏറ്റവും വലിയ സ്വര്ണ്ണവേട്ട. ഒരു സ്ത്രീയടക്കം രണ്ടു യാത്രക്കാരില് നിന്നായി ഒരു കോടി 14 ലക്ഷം രൂപയുടെ സ്വര്ണം കസ്റ്റംസ് പിടികൂടി. കര്ണാടക സുള്ള്യ സ്വദേശി മുഹമ്മദ് റാഫി, കാസര്ക്കോട് തളങ്കര സ്വദേശിനി ആയിഷ എന്നിവരില് നിന്നാണ് 2360 ഗ്രാം സ്വര്ണം പിടിച്ചത്. ഇതിന് 1,14,69,600 രൂപ വിലവരും.
ദുബായില് നിന്ന് ഗോ എയര് വിമാനത്തിലെത്തിയ മുഹമ്മദ് റാഫിയില് നിന്ന് 1100 ഗ്രാം സ്വര്ണമാണ് പിടികൂടിയത്. കാര് വാഷറിനുള്ളില് ഒളിപ്പിച്ചാണ് സ്വര്ണം കടത്താന് ശ്രമിച്ചത്. അബുദാബിയില് നിന്ന് എയര്ഇന്ത്യ എക്സ്പ്രസ് വിമാനത്തിലെത്തിയ ആയിഷയില് നിന്ന് 1432 ഗ്രാം സ്വര്ണം പിടിച്ചു.
മിശ്രിത രൂപത്തിലുള്ള സ്വര്ണം ആറു ഗുളികകളാക്കി മലദ്വാരത്തില് ഒളിപ്പിച്ചാണ് കടത്തിയത്. ഇരുവരെയും അറസ്റ്റ് ചെയ്ത് ജാമ്യത്തില് വിട്ടു. കസ്റ്റംസ് അസി. കമ്മീഷണര് ഇ.വികാസ്, സൂപ്രണ്ടുമാരായ വി.പി.ബേബി, എന്.സി.പ്രശാന്ത്, ജ്യോതിലക്ഷ്മി, ഇന്സ്പെക്ടര്മാരായ രാജു, രാമല്, സന്ദീപ് കുമാര്, ദീപക്, ജുബര് ഖാന് തുടങ്ങിയവരുടെ നേതൃത്വത്തിലാണ് പരിശോധന നടത്തിയത്.
