ന്യൂദല്ഹി : ദര്ബംഗ് സ്ഫോടനക്കേസ് പ്രതികളില് ഒരാള് പാക്കിസ്ഥാനില് നിന്നും ഭീകര പ്രവര്ത്തനങ്ങള്ക്കുള്ള പരിശീലനം നേടിയിരുന്നതായി വെളിപ്പെടുത്തല്. കേസില് എന്ഐഎ സമര്പ്പിച്ച കുറ്റപത്രത്തിലാണ് ഇക്കാര്യം വ്യക്തമാക്കിയിരിക്കുന്നത്. കേസില് രണ്ട് പേര് എന്ഐഎ പിടിയിലായിട്ടുണ്ട്. ലഷ്കര് ഇ തോയ്ബ ഭീകരരാണ് ഇവരെന്ന് കണ്ടെത്തിയിട്ടുണ്ട്.
ഹൈദരാബാദില് നിന്നാണ് എന്ഐഎ സംഘം രണ്ടുപേരെയും പിടികൂടിയത്. മുഹമ്മദ് നസീര് ഖാനും ഇമ്രാന് മാലിക്ക് എന്നിവരാണ് പിടിയിലായത്. നസീറാണ് പാക്കിസ്ഥാനില് നിന്നും ഭീകരാക്രമണങ്ങള്ക്കായി പരിശീലനം നേടിയത്.
സ്ഫോടനത്തില് ട്രെയിനില് തകര്ക്കാനായിരുന്നു ഇവരുടെ ശ്രമം. ഇതിനായി ഇരുവരും ബോംബ് നിര്മിച്ച് സെക്കന്തരാബാദില് നിന്നും ദര്ഭംഗയിലേക്ക് പോകുന്ന ട്രെയിനില് സൂക്ഷിച്ചിരുന്നു. ഈ പാഴ്സല് ദര്ബംഗ സ്റ്റേഷനില് ഇറക്കിയ ഉടന് പൊട്ടിത്തെറിക്കുകയായിരുന്നു.
