കൊല്ലം: വൈസ് പ്രസിഡന്റിനുനേരെ പഞ്ചായത്ത് പ്രസിഡന്റിന്റെ കൈയേറ്റശ്രമം. പേരയം പഞ്ചായത്ത് പ്രസിഡന്റ് അനീഷ് പടപ്പക്കരയ്‌ക്കെതിരെ വൈസ് പ്രസിഡന്റ് സോഫിയ ഐസക്കാണ് (72) കൈയേറ്റശ്രമം നടത്തിയെന്ന ആരോപണവുമായി രംഗത്തെത്തിയിരിക്കുന്നത്.
മഹിളാ മോര്‍ച്ച മണ്ഡലം വൈസ് പ്രസിഡന്റും സീനിയര്‍ സിറ്റിസണ്‍ ഫോറത്തിന്റെ പ്രസിഡന്റുമായ സോഫിയ ഐസക്കിനു നേരെ ഡിസംബര്‍ 6ന് വൈകിട്ട് 6-നാണ് പ്രസിഡന്റ് അസഭ്യം പറഞ്ഞ് കൈയേറ്റത്തിന് ശ്രമിച്ചതെന്ന ആരോപണമുയര്‍ത്തിയിരിക്കുന്നത്. പതിവില്ലാതെ പഞ്ചായത്ത് ഓഫീസില്‍ വൈദ്യുത വെളിച്ചം കണ്ട് ആരാണെന്നറിയാന്‍ ഓഫീസിലേക്ക് ചെന്ന വൈസ്പ്രസിഡന്റിനു നേരെ പ്രസിഡന്റ് അസഭ്യംപറഞ്ഞ് കൈയേറ്റത്തിന് ശ്രമിച്ചുവെന്നാണ് പറയുന്നത്.
മുന്‍പും പ്രസിഡന്റ് സ്ത്രീകള്‍ക്കുനേരെ മോശം പെരുമാറ്റം നടത്തിയിട്ടുണ്ടെന്നും വാര്‍ത്താസമ്മേളനത്തില്‍ അറിയിച്ചു. സോഫിയാ ഐസക്കിനൊപ്പം സ്റ്റാന്‍സി യേശുദാസ്, ജെസ്പിന്‍കുട്ടി, ജെസിന്ത ജെ., ജോസ് ടെന്‍സന്‍, ക്രിസ്റ്റിന്‍കുട്ടി എന്നിവര്‍ പത്രസമ്മേളനത്തില്‍ പങ്കെടുത്തു.
പ്രതികരിക്കാൻ ഇവിടെ എഴുതുക: