നവാഗതനായ കബീര് പുഴമ്പ്രം കഥയും തിരക്കഥയുമെഴുതി സംവിധാനം ചെയ്യുന്ന ‘ലാല്ജോസ്’ എന്ന ചിത്രത്തിലെ വീഡിയോ ഗാനം സത്യം ഓഡിയോസ് പുറത്തിറക്കി. ത്രിബിള് സിക്സ് പ്രൊഡക്ഷന്സിന്റെ ബാനറില് ഹസീബ് മേപ്പാട്ടാണ് ചിത്രം നിര്മിക്കുന്നത്.
മലയാളത്തിലെ പ്രമുഖ സംവിധായകന് ലാല്ജോസിന്റെ പേര് തന്നെയാണ് ഈ ചിത്രത്തിന്റെ ടൈറ്റില്. സിനിമയെ കുറിച്ചും, സിനിമക്കുള്ളിലെ പ്രശ്നങ്ങളേയും കേന്ദ്രീകരിച്ചാണ് സിനിമയുടെ കഥ നീങ്ങുന്നത്. ജോപോള് എഴുതിയ വരികള്ക്ക് ബിനേഷ് മണിയാണ് ഈണം നല്കി സിദ് ശ്രീറാം ആലപിച്ച ‘സുന്ദരി പെണ്ണേ… എന്ന ഗാനമാണ് റിലീസായത്.
ഒട്ടേറെ വെബ്സീരീസുകളിലൂടെ ശ്രദ്ധേയനായ യുവനടന് മുഹമ്മദ് ശാരിഖ് നായകനാകുന്ന ഈ ചിത്രത്തിലെ നായിക പുതുമുഖ നടി ആന്ഡ്രിയ ആന് ആണ്. ഭഗത് മാനുവല്, ജെന്സണ് തുടങ്ങിയവരും പ്രധാന വേഷങ്ങളില് എത്തുന്നു. ഛായാഗ്രാഹണം- ധനേഷ് രവീന്ദ്രനാഥ്, സിദ് ശ്രീറാം,വിജയ് യേശുദാസ് എന്നിവരാണ് ഗായകന്. പശ്ചാത്തലസംഗീതം- ഗോപി സുന്ദര്. വാര്ത്താ പ്രചാരണം: എ. എസ്. ദിനേശ്.
