നവതി

വിശ്വനാഥന്‍ വടേശ്വരം

9446035657

തറവാട്ടിലെക്കെത്തീ-

ഞാനിന്നലെ:

നാളെ പുതു മാസത്തിലെ

ഒന്നാം തീയ്യതിയല്ലോ!

വെളുത്ത പക്ഷത്തിലെ

ഉത്രവും നാളെത്തന്നെ

തന്നച്ഛന്‍ നവതിയും

നാളെയല്ലോ!

അപ്പു, ആഹ്ലാദിച്ചേറെ-

നാളത്തെ പൊന്‍ പുലരി കാണുവാന്‍-

ഉറങ്ങിലയപ്പു, തിരിഞ്ഞു

മറിഞ്ഞും കിടന്നെങ്കിലും,

ഉറക്കം വന്നീല-

പുലരി, വന്നുവിളിക്കവേ-

ഉണര്‍ന്നുത്‌സൂകനായി വന്നൂ.  

അപ്പു അമ്പലത്തില്‍-

തൊഴുതു വന്നയച്ഛനെ-

സ്വര്‍ണ കസവാര്‍ന്ന  

വേഷ്ടിയും, മുണ്ടും

കൂടെ, കാണിക്കയും

സമര്‍പ്പിച്ചയച്ഛന്റെ

കാല്‍ക്കല്‍ നമസ്‌കരിക്ക –

ഇടറിയോ, നാലു കണ്‍കള്‍

കണ്ണിലശ്രു പടരവേ

ചിന്താധീനനായിയപ്പൂ.

നാലു മക്കളുണ്ടെന്നാലും,

അച്ഛന്നേറെയിഷ്ടം-

പണ്ടുതന്നെ

അപ്പുവിനോടാണു പോല്‍ –

പഠിത്തത്തില്‍ –

കേമനാണപ്പൂ –

എപ്പോഴുമെവിടേയും ഒന്നാമന്‍ തന്നെ –

കളിയിലും, കേമത്തം കുറവില്ലാ ,

കാല്‍ പന്തിലും, ചതുരംഗത്തിലും,

റമ്മിയിലിരുപത്തെട്ടിലും,

ആദി ഗുരു തന്നച്ഛന്‍ തന്നെയല്ലോ?

ഉച്ചയൂണിനൊരുക്കമായ്

തൊടിയിലെ തൂശനിലയില്‍

ആദ്യമമ്പലത്തിലെ

നേദ്യച്ചോറുമായ്

പിന്നെ, ‘കാളനും’ കൂടെക്കുറെ

ഉപ്പിലിട്ടതും കാന്താരിയും സാമ്പാറും.

അമ്മ തന്‍ ശര്‍ക്കര പിണ്ടി

പായസം, പിന്നെ

ക്കൃഷ്ണന്നമ്പലത്തിലെ-

പാല്‍ പായസം.

സദ്യ, കെങ്കേമമെന്നോ തി

അച്ഛന്‍-

അച്ഛന്റെ നിര്‍വൃതിയുച്ചയൂണില്‍

പ്രതിഫലിച്ചേറെ

ആഹ്ലാദിച്ചമ്മ നിന്നതും

അച്ഛന്റെയനുഗ്രഹം

നിനക്കെന്നുമുണ്ടാമുണ്ണീ-

എന്നമ്മ പറയവേ –

മിഴിനീരണഞ്ഞു നിന്നു ,

അപ്പൂ, ഏറെ നേരം