തിരുവനന്തപുരം: പോത്തന്‍കോട് ഗുണ്ടാപ്പകയില്‍ കൊലപ്പെടുത്തി കാല്‍ വെട്ടിയെടുത്തതടക്കം സംഭവങ്ങള്‍ ഉണ്ടായതിനു പിന്നാലെ ഗുണ്ടകളെയും സംഘടിത അക്രമങ്ങളും തടയാന്‍പദ്ധതിയുമായി പോലീസ്. ‘ഓപ്പറേഷന്‍ കാവല്‍’, ‘സ്‌പെഷല്‍ ആക്ഷന്‍ ഗ്രൂപ്പ്’ എന്നിവ രൂപീകരിക്കാന്‍ സംസ്ഥാന പോലീസ് മേധാവി അനില്‍കാന്തിന്റെ നിര്‍ദ്ദേശം. കേസുകളില്‍ ഉള്‍പ്പെട്ട അക്രമികളെ ഏതാനും ദിവസത്തിനകം അറസ്റ്റ് ചെയ്യാനും കുറ്റകൃത്യങ്ങള്‍ക്ക് ഉപയോഗിക്കുന്ന വാഹനങ്ങള്‍ കണ്ടുകെട്ടാനും ഡിജിപി നിര്‍ദ്ദേശിച്ചിട്ടുണ്ട്.
ഓപ്പറേഷന്‍ കാവലിന്റെ ഭാഗമായി ഒളിവില്‍ കഴിയുന്ന കുറ്റവാളികളെ കണ്ടെത്താനായി ജില്ലാ പോലീസ് മേധാവിമാര്‍ പ്രത്യേകസംഘത്തിന് രൂപം നല്‍കുമെന്നും സാമൂഹികവിരുദ്ധരുടെ പട്ടിക സ്‌പെഷ്യല്‍ ബ്രാഞ്ച് തയ്യാറാക്കി നിരീക്ഷിക്കണമെന്നും ഡിജിപിയുടെ നിര്‍ദ്ദേശത്തില്‍ പറയുന്നു. ജാമ്യത്തിലിറങ്ങിയവര്‍ വ്യവസ്ഥകള്‍ ലംഘിക്കുന്നുണ്ടോയെന്ന് ഈ സംഘം പരിശോധിക്കും. ജാമ്യ വ്യവസ്ഥ ലംഘിച്ചതായി കണ്ടെത്തിയാല്‍ ജാമ്യം റദ്ദാക്കി റിമാന്‍ഡ് ചെയ്യാന്‍ നടപടി സ്വീകരിക്കും. ഇതിനായി സ്റ്റേറ്റ് സ്‌പെഷ്യല്‍ ബ്രാഞ്ച് രഹസ്യാന്വേഷണം നടത്തും. ആവശ്യമെങ്കില്‍ കുറ്റവാളികളുടെ സങ്കേതങ്ങളില്‍ പരിശോധന നടത്തും.
രണ്ട് സബ് ഇന്‍സ്‌പെക്ടര്‍മാരും കുറഞ്ഞത് 10 പോലീസ് ഉദ്യോഗസ്ഥരും അടങ്ങുന്നതാണ് സ്‌പെഷ്യല്‍ ആക്ഷന്‍ ഗ്രൂപ്പ്. ക്രിമിനലുകളുടെ വരുമാനസ്രോതസ്സും സമ്പത്തും അന്വേഷിക്കും. ജില്ലാ പോലീസ് മേധാവിമാര്‍ എല്ലാ ആഴ്ചയിലും റേഞ്ച് ഡിഐജിമാര്‍ രണ്ടാഴ്ചയില്‍ ഒരിക്കലും പ്രവര്‍ത്തനം വിലയിരുത്തും. സ്‌പെഷ്യല്‍ ആക്ഷന്‍ ഗ്രൂപ്പിന്റെ ഭാഗമായി ഓരോ പോലീസ് സ്‌റ്റേഷനും കേന്ദ്രീകരിച്ച് ആന്റി ഓര്‍ഗനൈസ്ഡ് െ്രെകം സെല്ലുകള്‍ക്കും രൂപം നല്‍കും. ഒരു എസ്‌ഐയും രണ്ട് പോലീസ് ഉദ്യോഗസ്ഥരും അടങ്ങുന്ന സംഘമാണ് സെല്ലിലുണ്ടാവുക.
പ്രതികരിക്കാൻ ഇവിടെ എഴുതുക: