കൊച്ചി: മുസ്ലിം ലീഗിനെതിരെ രൂക്ഷ വിമര്‍ശനവുമായി മുഖ്യമന്ത്രി പിണറായി വിജയന്‍. മുസ്ലീ തീവ്രവാദികളുടെ മുദ്രാവാക്യങ്ങളും കാഴ്ചപ്പാടുകളും മുസ്ലിം ലീഗ് ഏറ്റെടുക്കുന്നെന്ന് മുഖ്യമന്ത്രി ആരോപിച്ചു. ജമാ അത്തെ ഇസ്ലാമി ഉള്‍പ്പെടെയുള്ള ഇസ്ലാമിക വര്‍ഗീയ സംഘടനകളുമായി കൂട്ടുചേര്‍ന്നു ലീഗ് സാമൂഹ്യ ഐക്യം ഇല്ലാതാക്കാന്‍ ശ്രമിക്കുകയാണെന്നും സിപിഎം എറണാകുളം ജില്ലാ സമ്മേളനം ഉദ്ഘാടനം ചെയ്തു പിണറായി പറഞ്ഞു. മതത്തെ രാഷ്‌ട്രീയ ആവശ്യത്തിനായി ഉപയോഗിക്കുമ്പോഴാണ് അത് വര്‍ഗീയതായി മാറുന്നത്.
ലീഗിന്റെ തീവ്രവാദപരവും മതസ്പര്‍ദ സൃഷ്ടിക്കുന്നതുമായ നിലപാടുകള്‍ക്കെതിരെ സമാധാനകാംക്ഷികളായ ലീഗില്‍ തന്നെയുള്ളവര്‍ രംഗത്ത് വരും. രാഷ്‌ട്രീയ ലാഭത്തിനായി ജമാഅത്തെ ഇസ്ലാമി, പോപ്പുലര്‍ ഫ്രണ്ട് എന്നിവരുമായി ലീഗ് കൂട്ട് കൂടുന്നു. സംഘപരിവാറും ഇസ്ലാമിക തീവ്രവാദികളും വര്‍ഗീയ സംഘര്‍ഷം സൃഷ്ടിക്കാന്‍ ശ്രമിക്കുന്നു. വര്‍ഗീയത പ്രചരിപ്പിക്കാന്‍ നവമാധ്യമങ്ങളെ ഇവര്‍ ഉപയോഗിക്കുന്നു. നാടിന്റെ ഒരു നേട്ടത്തിലും പങ്കില്ലാത്തവരാണ് ഈ വര്‍ഗീയ വാദികളെന്നും മുഖ്യമന്ത്രി കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: