നെയ്യാറ്റിന്കര: തലസ്ഥാന ജില്ലയില് വീണ്ടും വീടുകയറി ആക്രമണം. നെയ്യാറ്റിന്കര ആറാലുംമൂട് സ്വദേശി സുനിലിനെയാണ് ഗുണ്ടകള് ആക്രമിച്ചത്. തലയ്ക്ക് ഗുരുതര പരിക്കേറ്റ സുനിലിനെ നെയ്യാറ്റിന്കര താലൂക്ക് ആശുപത്രിയില് പ്രവേശിപ്പിച്ചു.
ഇന്നലെ രാത്രി 11 മണിയോടെയാണ് സംഭവം. പ്രതികളെന്ന് സംശയിക്കുന്ന രഞ്ജിത്തും അഭിലാഷും ഒളിവിലാണ്. ഇവരെ കൂടാതെ തിരിച്ചറിയാത്ത് രണ്ട് പേർ കൂടി അക്രമിസംഘത്തിലുണ്ടായിരുന്നു. ആറാലുംമൂട്ടിലെ ഓട്ടോഡ്രൈവറാണ് സുനില്. വൈകുന്നേരം അഞ്ചുമണിയോടെ സുഹൃത്തുക്കളായ സുനിലും സുധീഷും ഓട്ടോസ്റ്റാന്ഡില് നില്ക്കുമ്പോഴാണ് പ്രതികളായ രഞ്ജിത്തും അഭിലാഷുമായി വാക്കുതര്ക്കമുണ്ടാകുന്നതും അടിപിടിയില് കലാശിച്ചതും. എന്നാല്, വീണ്ടും പക തീര്ക്കാനായിട്ടാണ് പ്രതികള് രാത്രിയോടെ സുനിലിന്റെ വീട്ടിലെത്തിയത്.
കുട്ടികളുടെ മുന്നിലിട്ടാണ് സുനിലിനെ വെട്ടിയത്. പോലീസിനെ ബന്ധുക്കള് വിളിച്ചെങ്കിലും സമയത്തിനെത്തിയില്ലെന്ന പരാതി ഉയര്ന്നിട്ടുണ്ട്. ഇന്ന് രാവിലെയാണ് സംഭവസ്ഥലത്ത് പോലിസെത്തി വിവരങ്ങള് അന്വേഷിച്ചത്. കഞ്ചാവ് വിൽപ്പനയുമായി ബന്ധപ്പെട്ട തർക്കമാണ് അക്രമ കാരണമെന്ന് പോലീസ് പറയുന്നു. പരിക്കേറ്റ സുനിലിന്റെ തലയിൽ പന്ത്രണ്ടോളം തുന്നലുകളാണുള്ളത്.
