ധ്യാന് ശീനിവാസന് നായകനാകുന്ന ‘പാര്ട്ട്ണേഴ്സ്’ എന്ന ചിത്രത്തിന്റെ ചിത്രീകരണം കാസര്ക്കോട് ആരംഭിച്ചു. ചിത്രത്തിന്റെ പൂജയും സ്വിച്ചോണ് കര്മ്മവും വെള്ളിയാഴ്ച്ച / നടന്നു. മമ്മൂട്ടി വൈശാഖ് ടീമിന്റെ ന്യൂയോര്ക്ക്, ഇര എന്നീ ചിത്രങ്ങള്ക്ക് തിരക്കഥ രചിച്ച് ശ്രദ്ധേയനായ നവീന് ജോണ് ആണ് ഈ ചിത്രത്തിന്റെ തിരക്കഥ, സംവിധാനം എന്നിവ നിര്വഹിക്കുന്നത്. കൊല്ലപ്പള്ളി ഫിലിംസിന്റെ ബാനറില് ദിനേശ് കൊല്ലപ്പള്ളിയാണ് ചിത്രം നിര്മ്മിക്കുന്നത്.
കാസര്കോട്ട് നടന്ന ഒരു യഥാര്ത്ഥ സംഭവത്തില് നിന്നും പ്രചോദനം ഉള്ക്കൊണ്ടാണ് ഈ ചിത്രത്തിന്റെ അവതരണമെന്ന് സംവിധായകനായ നവീന് ജോണ് പറഞ്ഞു.പിച്ചക്കാരന് എന്ന തമിഴ് സിനിമയിലൂടെ രംഗത്തെത്തിയ നടിയായ സാത്ന ടൈറ്റസ് ആണ് ചിത്രത്തിലെ നായിക. ധ്യാന് ശ്രീനിവാസനെ കൂടാതെ സഞ്ജു ശിവറാം, ഹരീഷ് പേരടി, ദിനേഷ് കൊല്ലപ്പള്ളി, കലാഭവന് ഷാജോണ്, ശ്രീകാന്ത് മുരളി, അനീഷ് ഗോപാല്, ഡോ.റോണി, മധുസൂദന റാവു, നീരജ എസ് കുറുപ്പ്, ദേവകി രാജേന്ദ്രന് എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു.
ഫൈസല് അലിയാണ് ഛായാഗ്രാഹകന്. പ്രൊജക്റ്റ് ഡിസൈനര് ബാദുഷ, എഡിറ്റിംഗ് സുനില് എസ്.പിള്ള. ഹരി നാരായണന്റെ വരികള്ക്ക് പ്രകാശ് അലക്സ് ഈണം പകര്ന്നിരിക്കുന്നു. കലാസംവിധാനം സുരേഷ് കൊല്ലം, മേക്കപ്പ് സജി കൊരട്ടി,കോസ്റ്റ്യൂം ഡിസൈന് സുജിത് മട്ടന്നൂര്, പ്രൊഡക്ഷന് കണ്ട്രോളര്സതീഷ് കാവില്ക്കോട്ട, സ്റ്റില്സ് രാംദാസ് മാത്തൂര്, പി.ആര്.ഒ പി.ശിവപ്രസാദ് എന്നിവരാണ് മറ്റു അണിയറ പ്രവര്ത്തകര്
